|
2026-05-26 20:09:56, 5190 ნახვა
ეკონომიკა
ბრიტანეთმა 3 საქართველოში რეგისტრირებულ კომპანიას შეზღუდვები დაუწესა
გაერთიანებულმა სამეფომ რუსეთის წინააღმდეგ მოქმედი სანქციების სია გააფართოვა და შეზღუდვები დააწესა იმ ფინანსური და კრიპტოქსელების წინააღმდეგ, რომლებიც კრემლს დასავლური ბლოკადის გვერდის ავლაში ეხმარებიან. ბრიტანეთის მთავრობის მიერ გამოქვეყნებულ ოფიციალურ განცხადებაში ნათქვამია, რომ ახალი სანქციების პაკეტით დარტყმა მიადგა იმ სუბიექტებს, რომლებიც რუსულ მხარეს უკანონო ფინანსურ არხებს უნარჩუნებენ. ახალ შავ სიაში მსოფლიოს სხვადასხვა ქვეყანაში მოქმედ კომპანიებთან ერთად მოხვდა სამი საქართველოში რეგისტრირებული იურიდიული პირი: Arvix LLC, Rapira Group LLC და Aifory LLC. ბრიტანეთის საგარეო საქმეთა სამინისტროს განმარტებით, სანქციების დაწესების მთავარი მიზეზი სწორედ ამ კომპანიების მხრიდან რუსეთისთვის დახმარების გაწევა და საერთაშორისო შეზღუდვების არიდების მცდელობა გახდა. უწყება პირდაპირ მიუთითებს, რომ ეს ორგანიზაციები კრიპტოვალუტით ვაჭრობის სფეროში ოპერირებდნენ და მოსკოვის ინტერესებს ემსახურებოდნენ. „ჩვენ ვიღებთ ზომებს საქართველოში რეგისტრირებული 3 კომპანიის წინააღმდეგ, რომლებიც მართავენ რუსეთზე ორიენტირებულ ბირჟებს და სანქციების გვერდის ავლას ცდილობენ“, - აღნიშნულია გაერთიანებული სამეფოს მთავრობის ოფიციალურ განცხადებაში. სანქციების თანახმად, საქართველოში რეგისტრირებულ სამივე კომპანიას ბრიტანულ იურისდიქციაში არსებული ყველა ფინანსური აქტივი გაეყინება. გარდა ამისა, დიდ ბრიტანეთში მოქმედ ფიზიკურ თუ იურიდიულ პირებს სრულად ეკრძალებათ მათთან ნებისმიერი სახის ეკონომიკური, ბიზნეს ან ფინანსური თანამშრომლობა. კრემლის გვერდის ავლის სქემებში მონაწილეობისთვის ბრიტანულ სიაში ქართული კომპანიების გარდა ასევე შევიდნენ სუბიექტები ყირგიზეთიდან, არაბთა გაერთიანებული საამიროებიდან, პანამიდან და სალვადორიდან.
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



