|
2026-05-23 13:18:47, 3421 ნახვა
ეკონომიკა
შევარდნაძის დაცვის სამსახურის ყოფელ უფროსს პაპაშვილს ოცნება ყაზბეგში ორ ჰესს აშენებიებს
2026 წლის 15 მაისის განკარგულების მიხედვით, რომელსაც ხელს "ქართული ოცნების" პრემიერი აწერს, მთავრობამ ყაზბეგის მუნიციპალიტეტში, დარიალის ხეობაში მდებარე სახელმწიფო საკუთრების ორი მიწის ნაკვეთი შპს "ლარსი ფაუერს" აღნაგობის უფლებით, 49 წლის ვადით გადასცა. აღნიშნული გადაწყვეტილება ახალი ელექტროსადგურის "ლარსი 2 ჰესის" მშენებლობასა და ექსპლუატაციას უკავშირდება. კომპანია "ლარსი ფაუერსი" 2020 წელს დარეგისტრირდა და მისი წილის 100%-ის მფლობელი ბიზნესმენი სულხან პაპაშვილია. მთავრობის განკარგულების თანახმად, ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულ სააგენტოს მიეცა თანხმობა, კომპანიას სარგებლობაში გადასცეს დაბა სტეფანწმინდაში, დარიალის ხეობაში მდებარე ორი არასასოფლო-სამეურნეო დანიშნულების მიწის ნაკვეთი. ხელშეკრულების გაფორმებიდან 49 წლის განმავლობაში, კომპანია ვალდებულია ყოველწლიურად, ქონების სარგებლობის საფასურის სახით, სახელმწიფო ბიუჯეტში 79 457 ლარი გადაიხადოს. დოკუმენტის მიხედვით, აღნიშნული უძრავი ქონების გადაცემის მთავარი პირობა სწორედ "ლარსი 2 ჰესის" აშენება და მისი ექსპლუატაციაში მიღებაა. ცნობისთვის, სულხან პაპაშვილის წარსულში ედუარდ შევარდნაძის დაცვის სამსახურის უფროსი იყო. გასულ წლებში "მონიტორის" ჟურნალისტური გამოძიებით, ცნობილი გახდა მის კავშირებზე ოფშორულ კომპანია ელგრინთან, რომელიც აზერბაიჯანული დენის იმპორტიორი იყო საქართველოში. Forbes Georgia-ს 2026 წლის მონაცემებით, იგი საქართველოს 100 უმდიდრეს ადამიანს შორის სახელდება და მისი ქონება 249 მილიონ ლარზე მეტს შეადგენს. ფლობს მსხვილ აქტივებს ენერგეტიკის სექტორში. მისი ინვესტიციით აშენდა კასპის ქარის ელექტროსადგური. იგი ასევე გეგმავს გორში 112-მეგავატიანი ქარის სადგურისა და ყაზბეგში „ლარსი 2 ჰესის“ მშენებლობას. ჩართულია აზერბაიჯანიდან ელექტროენერგიის იმპორტსა და ტრანზიტში. : უკრაინის ხელისუფლების მიერ შეყვანილი იყო იმ პირთა სიაში, ვისაც რუსი ბიზნესმენების დახმარებასა და სანქციების გვერდის ავლაში სდებდნენ ბრალს. 2025 წლის დასაწყისში აშშ-ის კონგრესმენების მიერ მომზადებულ სავარაუდო დასასანქცირებელ პირთა სიაშიც ფიგურირებდა, რასაც მისი ოჯახი უსაფუძვლო ბრალდებად მიიჩნევს.
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



