მარტის განმავლობაში საქართველოში საწვავის ფასები მნიშვნელოვნად გაიზარდა. თვის განმავლობაში ბენზინის ფასი 15-45 თეთრით, დიზელის კი 37-74 თეთრით გაიზარდა. - იუწყება "ბიემჯი"

მსოფლიო ბაზარზე კი ნავთობის ფასი ზრდას განაგრძობს. საქართველოში ნავთობპროდუქტების იმპორტიორი და რეალიზატორი კომპანიების წარმომადგენლები აცხადებენ, რომ მარტში კომპანიებს ჯერ კიდევ ჰქონდათ 1-2-კვირიანი მარაგები, რამაც საწვავის ეტაპობრივად გააძვირა. თუმცა აპრილში, გლობალურ ბაზარზე ნავთობის კიდევ უფრო მეტად გაძვირების პირობებში, მიმდინარე თვეში ბენზინის და დიზელის საწვავი უფრო მეტად გაძვირდება.

საწვავის იმპორტიორი და რეალიზატორი ზოგიერთი კომპანიის ვებგვერდებზე გამოქვეყნებული ფასების არქივი საწვავის ღირებულებაზე დაკვირვების საშუალებას გვაძლევს - რომელ ქსელში, რამდენით და როდის შეიცვალა საწვავის ღირებულება.

საწვავის ფასი გასამართი სადგურების ქსელებში:

Gulf-ის ქსელში საწვავის ღირებულების ზრდა 9 მარტიდან დაიწყო და თვის განმავლობაში 5-ჯერ შეიცვალა. ჯამში მარტის განმავლობაში ბენზინი 40-46 თეთრით, ხოლო დიზელი 74 თეთრით გაძვირდა. შედეგად, დღეს საწვავის ფასები Gulf-ის სადგურებზე შემდეგია:

• G-Force სუპერი - ₾3.93, ზრდა - 40 თეთრი;
• G-Force პრემიუმი - ₾3.53, ზრდა - 46 თეთრით;
• G-Force ევრო რეგულარი - ₾3.39, ზრდა - 42 თეთრით;
• ევრო რეგულარი - ₾3.37, ზრდა - 45 თეთრით;
• G-Force ევრო დიზელი - ₾3.87, ზრდა - 74 თეთრი;
• ევრო დიზელი - ₾3.77, ზრდა - 74 თეთრი;

Wissol-ის გასამართი სადგურების ქსელში ყველა ტიპის საწვავის გაძვირება 7 მარტიდან იწყება და თვის განმავლობაში 6-ჯერ დაკორექტირდა. როგორც ფასების არქივიდან ირკვევა, ბოლო ერთი თვის ჭრილში საწვავი ტიპის მიხედვით 28-59 თეთრით გაძვირდა.

დღეს ამ ბრენდის სადგურებზე საწვავის შეძენა შემდეგ ფასადაა შესაძლებელი:

• ეკო სუპერი - ₾3.92; ზრდა კვირის ჭრილში - 38 თეთრი;
• ეკო პრემიუმი - ₾3.52; ზრდა - 40 თეთრი;
• ეკო დიზელი - ₾3.82; ზრდა - 69 თეთრი;
• ევრო დიზელი - ₾3.77; ზრდა - 69 თეთრი;
• ევრო რეგულარი - ₾3.37; ზრდა - 40 თეთრი;
• დიზელ ენერჯი - ₾3.72; ზრდა - 69 თეთრი;

Socar-ის გასამართი სადგურების ქსელში საწვავის ფასის კორექტირება 11 მარტიდან ფიქსირდება და თვის განმავლობაში 3-ჯერ შეიცვალა. ჯამში ბენზინი 17-29 თეთრით, ხოლო დიზელი 37-51 თეთრით გაძვირდა.

ამ ბრენდის სადგურებზე ბენზინის და დიზელის ჩასხმა შემდეგ ფასად შეგიძლიათ:

• ნანო სუპერი - ₾3.72; ზრდა - 17 თეთრი;
• ნანო პრემიუმი - ₾3.40; ზრდა - 29 თეთრი;
• ნანო ევრო რეგულარი - ₾3.24; ზრდა - 29 თეთრი;
• ევრო 5 დიზელი - ₾3.50; ზრდა - 51 თეთრი;
• ნანო ევრო 5 დიზელი - ₾3.60; ზრდა - 37 თეთრი

უნდა აღინიშნოს, რომ ბრენდირებული გასამართი სადგურების სხვა ქსელებს, მაგალითად Lukoil-ის და Rompetrol-ის შემთხვევაში, კომპანიებს ვებგვერდებზე ფასების ცვლილების არქივზე დაკვირვების შესაძლებლობას არ გვაქვს, თუმცა ბოლო თვის დასაწყისსა და ბოლოს არსებული ფასებით, საწვავი ამ სადგურებზეც მნიშვნელოვნად 15-70 თეთრით გაძვირდა.

Rompetrol-ის დღეს საწვავს შემდეგ ფასად შეიძენთ:

• Efix სუპერი - ₾3.92; ზრდა - 33 თეთრი;
• Efix ევრო პრემიუმი - ₾3.53; ზრდა - 38 თეთრი;
• ევრო რეგულარი - ₾3.39; ზრდა - 35 თეთრი;
• Efix ევრო დიზელი - ₾3.85; ზრდა - 70 თეთრი;
• ევრო დიზელი - ₾3.80;ზრდა - 70 თეთრი;

Lukoil-ის ბრენდის გასამართი სადგურების ქსელში, სადაც ბენზინის და დიზელის შეძენა დღეისთვის შემდეგ ფასად შეგეძლებათ:

• Euro Super – ₾3.74; ზრდა - 15 თეთრი;
• Premium Avangard - ₾3.39; ზრდა - 24 თეთრი;
• Euro Regular - ₾3.24; ზრდა - 20 თეთრი;
• Euro Diesel - ₾3.59; ზრდა -49 თეთრი.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს