ოპოზიციის ალიანსმა იმ საკითხებზე ისაუბრა, რის გაკეთებასაც ისინი მომდევნო 1 თვის განმავლობაში გეგმავენ. განცხადება საერთო ბრიფინგზე გიგა ლემონჯავამ გააკეთა.

"პასუხისმგებლობას ვიღებთ, რომ მოსკოვის მექანიზმის ანგარიშში ჩაწერილი კონკრეტული ინიციატივები მოქმედებაში მოვიდეს. მათ შორის, გვინდა, საზოგადოებას 4 ყველაზე მნიშვნელოვანი ინიციატივის, პასუხისმგებლობის შესახებ მოვუყვეთ, რასაც ჩვენ მომდევნო 1 თვის განმავლობაში გავაკეთებთ.

1. ანგარიშში მითითებულია, რომ ადამიანის უფლებებში გაეროს უმაღლესი წარმომადგენელი საქართველოში არსებული რეალობით უნდა დაინტერესდეს. ჩვენ უკვე დავიწყეთ და აქტიურ კოორდინაციას ვაგრძელებთ გაეროს უმაღლეს წარმომადგენელთან იმისთვის, რომ მან საკუთარი მანდატი განახორციელოს. ადამიანის უფლებებში გაეროს უმაღლეს წარმომადგენელს ადგილზე ვითარების ინსპექციის უფლებამოსილება აქვს და ჩვენ ყველაფერს გავაკეთებთ იმისთვის, რომ მან ეს მანდატი განახორციელოს.
2. ანგარიშში ასევე მითითებულია, რომ ე.წ. ხელისუფლებამ უნდა ითანამშრომლოს ქიმიური იარაღის აკრძალვის ორგანიზაციასთან  აქციებზე ქიმიური იარაღის გამოყენების ფაქტის გამოძიებასთან დაკავშირებით. ვიცით, რომ ის ხალხი, ვინც საკუთარი მოქალაქეების წინააღმდეგ ქიმიური იარაღი გამოიყენა, ამ თანამშრომლობაში არ შევა, ამიტომ ჩვენს საერთაშორისო პარტნიორებთან აქტიურ კოორდინაციას ვიწყებთ, რათა ქიმიური იარაღის აკრძალვის ორგანიზაციას მიმართონ, მათ კი საკუთარი წესდების შესაბამისად, ქიმიური იარაღის გამოყენებასთან დაკავშირებით გამოძიება დაიწყონ. ესაა საგამოძიებო პროცესი, რომელზეც რეჟიმს ვერავითარი გავლენა ვერ ექნება. 
3. კონკრეტულ ქვეყნებს უფლებამოსილება აქვთ, მათ შორის, საქართველოს ტერიტორიაზე ჩადენილი კონკრეტული დანაშაულები ეროვნულ დონეზე გამოიძიონ. მაგალითად, საფრანგეთის მიმართულება ძალიან მნიშვნელოვანია. ბიძინა ივანიშვილი საფრანგეთის მოქალაქეა და ჩვენ ძალიან აქტიურ კომუნიკაციას ვიწყებთ საფრანგეთის საგამოძიებო სტრუქტურებთან, მათ შორის, პროკურატურასთან, იმისთვის, რომ სისტემური წამებისა და ქიმიური იარაღის გამოყენების ფაქტთან დაკავშირებით, ივანიშვილის წინააღმდეგ გამოძიება ეროვნულ დონეზე, ცალკეულ ქვეყნებში დაიწყოს.
4. სავსებით რეალისტურია, რომ ჰააგის სასამართლომ ივანიშვილის რეჟიმის წინააღმდეგ გამოძიება დაიწყოს. ყველაფერს გავაკეთებთ, რომ ივანიშვილმა ჰააგის ტრიბუნალის ბრალდებულის სკამზე დაასრულოს. ჩვენს საერთაშორისო პარტნიორებთან ვმუშაობთ, რომ მათ ჰააგის სასამართლოს შესაბამისი წარდგინებით მიმართონ და პროკურორის ოფისმა ივანიშვილის წინააღმდეგ გამოძიება დაიწყოს". - თქვა ლემონჯავამ.

• წამება, დევნა, დაუსჯელობა და ჰააგა – რა წერია ეუთო/ოდირის ანგარიშში

10 მარტს ეუთოს დემოკრატიული ინსტიტუტებისა და ადამიანის უფლებების ოფისმა (OSCE/ODIHR) მოსკოვის მექანიზმის ფარგლებში საქართველოში 2024 წლის გაზაფხულის შემდეგ ადამიანის უფლებებისა და ფუნდამენტური თავისუფლებების მხრივ მოვლენების განვითარებასთან დაკავშირებით ანგარიში გამოაქვეყნა. დოკუმენტის ავტორი პროფესორი პატრისია გჟებიკია. 

ცნობისთვის, ეუთოს 23-მა ქვეყანამ, მათ შორის, გერმანიამ და გაერთიანებულმა სამეფომ, საქართველოში ადამიანის უფლებების გაუარესებული მდგომარეობის შესასწავლად მოსკოვის მექანიზმი იანვრის ბოლოს აამოქმედა.

ანგარიშის მიხედვით, მომხსენებელმა 14-დღიანი მისიის დროს დაადგინა, რომ მანდატით განსაზღვრულ პერიოდში, ანუ 2024 წლის გაზაფხულის შემდეგ, საქართველოში დემოკრატიული უკუსვლა შეინიშნებოდა. 

დოკუმენტში ვკითხულობთ, რომ მომხსენებელმა შეამჩნია "ძალადობისა და სხვაგვარად ძალის ბოროტად გამოყენების შემთხვევები დემონსტრანტების, პოლიტიკური ოპოზიციის ლიდერებისა და ჟურნალისტების წინააღმდეგ," ხოლო ზოგიერთ შემთხვევაში, ანგარიშის მიხედვით, ძალადობამ, შეიძლება ითქვას, რომ "წამების ზღვარსაც მიაღწია," რასაც "თან ახლდა" ძალადობის ჩამდენთა "სრული დაუსჯელობა".

ავტორი: ექსპრესნიუსი,

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას