საქართველოს ენერგეტიკისა და  წყალმომარაგების  მარეგულირებელ  ეროვნულ კომისიაში  თვინინგის მეორე პროექტი  დაიწყო. 

ევროკავშირის მიერ დაფინანსებული, 1 მილიონი ევროს ღირებულების  თვინინგის პროექტი შეეხება  საქართველოს ენერგეტიკისა და  წყალმომარაგების  მარეგულირებელი  ეროვნული კომისიის (სემეკი) შესაძლებლობების გაძლიერებას ხარჯების  მარეგულირებელ აუდიტსა და ბაზრის მონიტორინგში.  21 თვის განმავლობაში საქართველოს ენერგეტიკისა და  წყალმომარაგების  მარეგულირებელ  ეროვნულ  კომისიას, ხარჯების მარეგულირებელ  აუდიტსა და ბაზრის მონიტორინგის  მექანიზმების, პროცედურებისა და  ინსტრუმენტების შესამუშავებლად, დახმარებას გაუწევენ კოლეგები ევროპის  მარეგულირებელი კომისიებიდან-E-Control-დან (ავსტრია),  NCC-დან (ლიტვა) და BNetza-დან (გერმანია).

დღეს კი,  სასტუმრო "ჰოლიდე ინნ"-ში თვინინგის პროექტის  გახსნის ცერემონია გაიმართა. სიტყვით გამოსვლისას  საქართველოში ევროკავშირის ელჩმა იანოშ  ჰერმანმა  ხაზი გაუსვა საქართველოს  ენერგეტიკულ სექტორში  ევროპული სტანდარტების  დანერგვას. საქართველოს ენერგეტიკის მინისტრის  მოადგილემ, მარიამ ვალიაშვილმა  ისაუბრა საქართველოს ენერგოუსაფრთხოების გაძლიერებაზე, ბაზრის მონიტორინგისა  და ხარჯების  უდიტის  მექანიზმებისა და ინსტრუმენტების შემუშავების  მნიშვნელობაზე, ენერგეტიკული გაერთიანების  მიერ  განსაზღვრული ვალდებულებების შსრულების მიზნით. ევროპულ და ევროატლანტიკურ სტრუქტურებში  ინტეგრაციის საკითხებში სახელმწიფო მინისტრმა  დავით ბაქრაძემ აღნიშნა, რომ  საქართველოში თვინინგის  პროექტების განხორციელება  ევროპულ ღირებულებებთან  მიახლოების საშუალებაა.

სემეკის თავმჯდომარე ირინა მილორავამ  სიტყვით გამოსვლისას განაცხადა, რომ  ამჟამად, საქართველოში  ენერგეტიკის  სფეროთი  დაინტერესება განსაკუთრებით დიდია. ლიტვის მარეგულირებელი უწყების  თავმჯდომარე  ინგა ზილიენემ ყურადღება  საქართველოსა და  ლიტვას შორის  ენერგეტიკულ სფეროში  თანამშრომლობისა და  გამოცდილების გაზიარების მნიშვნელობაზე გაამახვილა.

წამყვანი ავსტრიული  პარტნიორის, E-Control-ის კონკურენციისა და რეგულირების  დეპარტამენტის დირექტორმა, იოჰანეს  მაიერმა ენერგეტიკის სფეროში იმ სარგებელზე ისაუბრა, რაც დაკავშირებულია  საქართველო-ევროკავშირს შორის  ასოცირების შესახებ  გაფორმებულ შეთანხმებასა  და ენერგეტიკული გაერთიანების  წევრობასთან.

პრეზენტაციების ფარგლებში და დაამსწრე საზოგადოების  მიერ დასმულ შეკითხვებზე პასუხის გაცემისას, პროექტის  ლიდერებმა-დიტმარ პრაინსტორფერმა (E-Control-ი, ავსტრია), ვიგანტას ვაიტკუსმა (NCC) და გოჩა  შონიამ (სემეკი) დაწვრილებით ისაუბრეს  პროექტის შინაარსზე, მიზნებსა და  მოსალოდნელ შედეგებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის აეროპორტებში 30-ზე მეტი რეისი ვერ დაეშვა

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.