"მე არ შემიძლია დაგისახელოთ ზუსტი თარიღი, თუ როდის შეიძლება დასრულდეს ვიზალიბერალიზაციის საბოლოო ეტაპი, თუმცა, პროცესის ახალი ფაზა დაწყებულია",-ამის შესახებ ევროკავშირის ელჩმა საქართველოში იანოშ ჰერმანმა ჟურნალისტებს განუცხადა.

მისივე თქმით, კომისარ მალმსტრომის, ჯოზეფ დოლისა და  ევროპარლამენტის იურიდიულ საკითხთა კომიტეტის თავმჯდომარის მიერ გაკეთებულ განცხადებებს ვიზალიბერალიზაციის პროცესში  თავისი ადგილი აქვს:

"თქვენ იცით, რომ ევროკომისიამ  დეკემბრის თვეში გამოაქვეყნა ანგარიში, რომლის მიხედვითაც, საქართველომ სამოქმედო გეგმის ფარგლებში ყველა პუნქტი შეასრულა, ახლა კი, ყველაფერი ევროპის საბჭოსა და ევროპის პარლამენტზეა დამოკიდებული. ასე რომ, მე ვერანაირ კონკრეტულ თარიღს ამ ეტაპზე ვერ დაგისახელებთ.

ჩვენ მოვისმინეთ განცხადებები ვიზალიბერალიზაციასთან დაკავშირებით და მინდა გითხრათ, რომ ყველა ამ განცხადებას ვიზალიბერალიზაციის პროცესში აქვს თავისი ადგილი, მათ შორის კომისარ მალმსტრომის, ჯოზეფ დოლისა და  ევროპარლამენტის იურიდიულ საკითხთა კომიტეტის თავმჯდომარის ბატონ სვობოდას მიერ გაკეთებული განცხადებებს",-აღნიშნა იანოშჰერმანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის აეროპორტებში 30-ზე მეტი რეისი ვერ დაეშვა

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.