ევრობარომეტრის კვლევის კითხვაზე - როგორ შეაფასებდით ეროვნული ეკონომიკის მდგომარეობას - გამოკითხულთა 60% "ცუდ მდგომარეობას" აფიქსირებს. 38%-ს კი მიაჩნია, რომ ქვეყნის ეკონომიკა კარგ მდგომარეობაშია.

ამასთან, გამოკითხულთა 48% მიიჩნევს, რომ ქვეყნის ეკონომიკა მომდევნო 12 თვის განმავლობაში გაუმჯობესდება, 18%-ის აზრით კი - გაუარესდება.

უახლესი კვლევის მიხედვით, საქართველოში მოსახლეობისთვის ყველაზე მწვავე პრობლემად ფასების ზრდა და ინფლაცია რჩება, თუმცა ევროკავშირის საშუალო მაჩვენებელთან შედარებით, ქართველი რესპონდენტებისათვის გაცილებით უფრო აქტუალურია უმუშევრობისა და განათლების საკითხები.

კითხვაზე, თუ რომელია ქვეყნის წინაშე მდგარი ორი ყველაზე მნიშვნელოვანი პრობლემა, საქართველოს მოქალაქეების 37% პირველ ადგილზე ფასების ზრდას, ინფლაციასა და ცხოვრების გაძვირებას აყენებს (ევროკავშირში ეს მაჩვენებელი 31%-ია).

განსაკუთრებით თვალსაჩინოა სხვაობა უმუშევრობის კუთხით: საქართველოში მას ქვეყნის ერთ-ერთ უმთავრეს პრობლემად გამოკითხულთა 24% მიიჩნევს, მაშინ როდესაც ევროკავშირში ეს მაჩვენებელი მხოლოდ 8%-ია. ანალოგიური ვითარებაა განათლების სისტემასთან დაკავშირებით – საქართველოში მას პრიორიტეტულ პრობლემად რესპონდენტთა 20% ასახელებს, ევროკავშირში კი – მხოლოდ 7%.

პირადი გამოწვევები: რა აწუხებთ მოქალაქეებს ინდივიდუალურ დონეზე?

პირად დონეზე არსებული პრობლემების ჩამონათვალშიც ფასების ზრდა ლიდერობს. თუმცა ამ შემთხვევაში ევროკავშირის მოქალაქეების 48% ამას საკუთარ უმთავრეს პირად პრობლემად მიიჩნევს, საქართველოში კი ეს მაჩვენებელი 39%-ია.

პირად გამოწვევებს შორის საქართველოში შემდეგ ადგილებზეა:

1. ფასების ზრდა, ინფლაცია და ცხოვრების გაძვირება - 39%

2. ჯანდაცვა/ჯანმრთელობა – 19% (ისევე როგორც ევროკავშირში);

3. უმუშევრობა – 18% (ევროკავშირში მხოლოდ 6%);

4. ოჯახის ფინანსური მდგომარეობა – 15% (ევროკავშირში 13%);

5. პენსიები – 13% (ევროკავშირში 11%).

ევროკომისიის დაკვეთით, საქართველოში "ევრობარომეტრის" საველე სამუშაოები 2025 წლის 10 ოქტომბრიდან 23 ოქტომბრამდე პერიოდში ჩატარდა. საქართველოდან პირისპირ ინტერვიუს ფორმით 1002 ადამიანი გამოიკითხა.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა