|
2025-12-19 23:39:46, 14493 ნახვა
ეკონომიკა
თიბისი კაპიტალმა 2025 წელი პარტნიორებთან ერთად შეაჯამა
თიბისი კაპიტალმა ბიზნესპარტნიორებისთვის შემაჯამებელი ღონისძიება - „საქართველო და მსოფლიო: 2025 წლის შეჯამება და 2026 წლის მოლოდინები“ გამართა. კონფერენციის ფარგლებში თიბისი კაპიტალის მენეჯმენტმა მიმოიხილა ის ძირითადი გლობალური და ადგილობრივი ტენდენციები, რომლებმაც 2025 წელს მსოფლიო ეკონომიკისა და ფინანსური ბაზრების ფორმირებაზე მნიშვნელოვანი გავლენა მოახდინა. ღონისძიებაზე აქცენტი გაკეთდა 2026 წლის პროგნოზებზეც. თიბისი კაპიტალის მოლოდინით, მომდევნო წელს გლობალურ ეკონომიკაზე გავლენას 3 ძირითადი ტენცენცია მოახდენს: სავაჭრო რეჟიმების ცვლილებები, ხელოვნური ინტელექტის სწრაფი განვითარება და მსოფლიოში მშვიდობის დამყარების მცდელობები. აღნიშნული ტრენდები გავლენას მოახდენს წარმოების ხარჯებსა და ინვესტიციებზე. ამ პირობებში კი მსოფლიო ეკონომიკის ზრდა დაახლოებით 3%-ის ფარგლებში იქნება. თიბისი კაპიტალის კვლევის მიხედვით, ხელოვნური ინტელექტის ადაპტაცია კომპანიებში უკვე აჩვენებს პოზიტიურ გავლენებს როგორც ინოვაციის, ასევე, მომგებიანობის კუთხით და ეს ტრენდი გაგრძელდება. რაც შეეხება საქართველოს, 2026 წელს, თიბისი კაპიტალის შეფასებით, ეკონომიკური ზრდა დაახლოებით 4.5% იქნება, რასაც ძირითადად შიდა მოთხოვნა განაპირობებს. ინფლაცია კი მომდევნო წელს მიზნობრივ - 3%-იან - მაჩვენებელს მიუახლოვდება.
კერძო სექტორთან ერთად, ღონისძიებას სახელმწიფო უწყებების წარმომადგენლები ესწრებოდნენ. შეხვედრის ფარგლებში გაიმართა პანელური დისკუსიაც, რომელზეც მომდევნო წლის გეგმები და ეკონომიკური პროგნოზები განიხილეს. „თიბისი კაპიტალისთვის წლიური შემაჯამებელი ღონისძიება პარტნიორებთან უწყვეტი დიალოგის ნაწილია. მთელი წლის განმავლობაში მათ განახლებულ და სიღრმისეულ ანალიტიკას ვაწვდით გლობალურ ფინანსურ ბაზრებზე, საქართველოს მაკროეკონომიკასა და ეკონომიკის მნიშვნელოვან სექტორებზე. შედეგად, 2025 წელს, თიბისი კაპიტალის ორგანიზებით, 12 ფიზიკური და ონლაინ შეხვედრა გაიმართა, რომლებმაც ჯამში ბიზნესის 2500-მდე წარმომადგენელი და სფეროს ექსპერტი გააერთიანა. მსგავსი ღონისძიებებით ვეხმარებით კერძო სექტორს, სწორად შეაფასოს გამოწვევები, დაინახოს შესაძლებლობები და ეფექტიანად მოერგოს ახალ ეკონომიკურ რეალობას”, - ოთარ შარიქაძე, თიბისი კაპიტალის დირექტორი.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: R (რეკლამა),



