|
2025-11-24 21:57:30, 2860 ნახვა
ეკონომიკა
ივანიშვილმა Credit Suisse Life-ს დავა მოუგო – შესაძლოა, სანქციების გამო მან $607 მლნ ვერ მიიღოს
24 ნოემბერს ლონდონის საიდუმლო საბჭოს სასამართლო კომიტეტმა (JCPC), საქმეზე "Credit Suisse Life (Bermuda) Ltd. ივანიშვილის წინააღმდეგ" საბოლოო გადაწყვეტილება გამოაქვეყნა, რომლის ფარგლებშიც სასამართლომ ივანიშვილისადმი მიყენებული ზარალის გამო $607-მილიონიანი ანაზღაურება ძალაში დატოვა, რაც შვეიცარიული ბანკ Credit Suisse-ის ყოფილი ბანკირის მიერ ჩადენილ თაღლითობასთანაა კავშირში. სასამართლოს გადაწყვეტილებით, სადაზღვევო კომპანიამ დაარღვია ხელშეკრულებით აღებული ვალდებულებები და დაახლოებით $750 მილიონის აქტივების სწორი დისკრეციული მენეჯმენტი, რის გამოც საბოლოოდ ძალაში დარჩა $607 მილიონის კომპენსაცია. თუმცა, აშშ-ს სანქციების გამო, ივანიშვილმა შესაძლოა, აღნიშნული თანხა ვერ მიიღოს. თუმცა, საბჭომ უარყო ივანიშვილის საჩივარი თაღლითური შეცდომაში შეყვანის შესახებ და დაადგინა, რომ აღნიშნული შუამდგომლობა საქართველოს კანონით დადგენილი ვადის გასვლის გამო აღარ განიხილებოდა. ცნობისთვის, 27 დეკემბერს აშშ-ს ხაზინის საგარეო აქტივების კონტროლის ოფისმა (OFAC) ბიძინა ივანიშვილს, 14024-ე აღმასრულებელი განკარგულების საფუძველზე, სანქციები დაუწესა. აშშ-ს ხაზინის დეპარტამენტმა განმარტა, რომ ივანიშვილის სანქცირების შემდეგ OFAC-მა ასევე გენერალური ლიცენზიაც გამოსცა, რომლითაც ამერიკელ პირებს იმ ერთეულებთან ყველა სახის ტრანზაქციაში ჩართვის ნება დართო, რომელთა 50%-ს ან მეტს ივანიშვილი ფლობს, თუკი მსგავსი ერთეულები სანქცირებულთა სიაში ცალკე არ იმყოფება. აქვე აღსანიშნავია, რომ გენერალური ლიცენზიის მიუხედავად, ნებართვა კვლავ არ ვრცელდება გარკვეული სახის ტრანზაქციებზე, მათ შორის, ივანიშვილსა და Credit Suisse-ს შორის სინგაპურის სააპელაციო სასამართლოს საქმესთან დაკავშირებულ ტრანზაქციებზე ან მასთან დაკავშირებულ სასამართლო საქმეებზე, როგორც ეს ლიცენზიის (b)(3) პარაგრაფშია გაწერილი.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



