ქართული ოცნების მთავრობამ განათლების საერთაშორისო ცენტრის ლიკვიდაციის გადაწყვეტილება მიიღო. შესაბამისი დადგენილება, რომელსაც ქართული ოცნების პრემიერი ირაკლი კობახიძე აწერს ხელს, ვებ-გვერდზე უკვე გამოქვეყნებულია და 21 ოქტომბრით თარიღდება.

დადგენილების თანახმად, ცენტრის ლიკვიდაციისთვის უნდა შეიქმნას კომისია, რომელიც პროცესს წლის ბოლომდე - 2025 წლის 31 დეკემბრის ჩათვლით დაასრულებს.

ასევე, დადგენილებაში ვკითხულობთ, რომ ლიკვიდირებული ცენტრის უფლებამონაცვლედ - ქართული ოცნების განათლების სამინისტრო განისაზღვრება.

განათლების საერთაშორისო ცენტრი საჯარო სამართლის იურიდიული პირია, რომელიც 2014 წელს დააარსდა. მისი მთავარი მიზანი იყო - სახელმწიფოს განვითარების პრიორიტეტების გათვალისწინებით, ხელი შეეწყო საერთაშორისო სტანდარტების შესაბამისი ცოდნისა და უნარების მქონე კადრების განვითარებისა და საქართველოში ახალი ცოდნის ინტეგრირებისთვის.

კერძოდ, განათლების საერთაშორისო ცენტრი მოქალაქეებს აძლევდა შესაძლებლობას, გრანტებითა და სტიპენდიებით მსოფლიო წამყვან უნივერსიტეტებში ესწავლათ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია