ასოციაცია „ლელო - ძლიერი საქართველო“-ს პოლიტიკური მდივნის, სალომე სამადაშვილის მოლოდინით, ევროკავშირთან უვიზო რეჟიმის გაუქმებასთან დაკავშირებით აქტიური დისკუსიები სექტემბრის ბოლოს დაიწყება.

მისი განცხადებით, შემოდგომისთვის პოლონეთი და ევროკავშირის სხვა ქვეყნები საქართველოს მოქალაქეებისთვის ევროკავშირის ქვეყნებში დროებითი მუშაობის უფლებას გააუქმებენ. სამადაშვილის თქმით, ამ მიმართულებით საკანონმდებლო პროცესი პოლონეთში უკვე დაწყებულია.

„სამწუხარო რეალობა ისაა, რომ სექტემბერში ევროკავშირთან უვიზო რეჟიმის შეჩერების საკითხი გამწვავდება. 8 პირობა დაისახა, რათა საქართველომ უვიზო რეჟიმი არ დაკარგოს. დღემდე არც ერთი არ შესრულებულა.

განხილვას გარკვეული დრო დასჭირდება, მაგრამ მე ამას ველოდები. ასევე ველოდები, რომ შემოდგომისთვის პოლონეთი და შესაძლოა ევროკავშირის სხვა ქვეყნები გააუქმებენ საქართველოს მოქალაქეებისთვის ევროკავშირის ქვეყნებში დროებით უვიზოდ მუშაობის უფლებას.

სამწუხაროდ, კარგი არაფერი გველოდება! ეს არის შედეგები, რომლებსაც საქართველოს მოქალაქეები მიიღებენ, როდესაც ქვეყანას მართავს ხელისუფლება, რომელიც ასრულებს რუსეთიდან წამოსულ ყველა ბრძანებას და ცდილობს ქვეყანა და მისი მოქალაქეები დასავლეთისგან სრულ იზოლაციაში მოაქციოს“, - განაცხადა სალომე სამადაშვილმა.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა