როგორ დააკავა პოლიციამ დანით თავდამსხმელის ნაცვლად აქციის ორი მონაწილე

2025-08-16 22:11:24, 4899 ნახვა

შინაგან საქმეთა სამინისტრომ რუსთაველის გამზირზე მიმდინარე აქციებში მონაწილე ორი პირი დააკავა. მათ ბრალად ედებათ ჯგუფურად ჩადენილი ძალადობა. ცნობილია რომ დაკავებული არიან თორნიკე თოხშუა მინდია შერვაშიძე.

პირველ აგვისტოს, თბილისში, რუსთაველის გამზირზე, პარლამენტის მიმდებარე ტერიტორიაზე მიმდინარე აქციის მონაწილეებმა, ურთიერთშელაპარაკების ნიადაგზე, ჯგუფურად იძალადეს 1988 წელს დაბადებულ ბ.გ.-ზე.”, – ნათვქმია შს-ს განცხადებაში.

ბ.გ რომელელსაც შსს ინიციალებით ფარავს, არის "ქართული ოცნების" აქტივისტი და მხურვალე მხარდამჭერი ყოფილი ფეხბურთელი ბექა გოცირიძე. გოჩირიძე ადრეცაა შემჩნეული ოპოზიციის დევნაში და მას ტიტუშკასაც უწოდებენ.

:ექსპრესნიუსმა" გაარკვია, რომ გოცირიძე 1-ელ აგვისტოს იყო მიწვეული თბილისის მერის კახი კალაძის წარდგენის ღონისძიებაზე, იქედან კი ნასვამ მდგომარეობაში გადაწყვიტა რუსთაველის გამზირზე გამოვლა სადაც საპროტესტო აქცია მიმდინარეობდა,

თვითმხილველების თქმით, შეხლა შემოხლის დროს, გოცირიძეს ჯიბიდან დანა ამოუვარდა, რფომელიც საპროტესტო აქციის მონაწილეებმა აიღეს და პოლიციას მიუტანესმ სადაც შეინაგან საქმეთა სამინისტროს წარმოადგენლებს შეატყობინეს გოცირიძის მხრიდან დანით თავდასხმის შესახებ. ამ ვითარების ამსახველი ვიდეოკადრები სოციალურ ქსელში ახლა აქტიურად ვრცელდება.

აქციის მონაწილეებმა შეძლეს თავდამსხმელი პირის რუსთაველის ტერიტორიიდან განრიდება, ხოლო დანაზე პოლიციას რეაგირება არ ქონია.

დღეს კი ცნობილი გახდა რომ ძველი თბილისის მთავარი სამმართველოს თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, ჯგუფურად ჩადენილი ძალადობის ბრალდებით, ორი პირი - 1992 წელს დაბადებული მ.შ. და 1988 წელს დაბადებული თ.თ. დააკავეს.

დანაშაული 2 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ მიმდინარე წლის პირველ აგვისტოს, თბილისში, რუსთაველის გამზირზე, პარლამენტის მიმდებარე ტერიტორიაზე მიმდინარე აქციის მონაწილეებმა, ურთიერთშელაპარაკების ნიადაგზე, ჯგუფურად იძალადეს 1988 წელს დაბადებულ ბ.გ.-ზე.

სამართალდამცველებმა, საქმეზე ჩატარებული ოპერატიული ღონისძიებების შედეგად, დანაშაულის ჩამდენი 2 პირის ვინაობა დაადგინეს და მოსამართლის განჩინების საფუძველზე, ბრალდებულის სახით მ.შ. და თ.თ. დააკავეს.

რუსთაველზე ჩემი და თორნიკეს 'სამორიგეო' ადგილები გვერდიგვერდ, - ზედ შუა გზაზე, ორღერძულა ხაზთან დაემთხვა. მალევე აღმოვაჩინეთ, რომ ერთმანეთს რუსთაველამდეც ვიცნობდით და მერე მისი ნახვა განსაკუთრებით მიხაროდა ხოლმე.

მე არ ვყოფილვარ იმ საღამოს, როცა ნაკაცარმა ბექა გოცირიძემ ლაივი ჩართო და რუსთაველზე გინებით ჩამოიარა. მაგრამ ვიდეო შენახულია და შეგიძლიათ ნახოთ, იქაურებს რა სიტყვებით აგინებს. ჯიბეში დანა ედო. შსს-ს კადრებშიც ჩანს, ერთ მომენტში ჯიბისკენ რომ მიაქვს ხელი. დანა ამოუვარდა, ბიჭებმა ის პატრულს გადასცეს და დააოქმებინეს. პატრულმა გაიყვანა თვითონ ის არაკაციც, აქედან ყველანაირი ექსცესების და შეურაცხყოფების გარეშე.

ანუ: ეს გოცირიძე ჯიბეში დანით და ხმამაღალი გინებით რუსთაველზე მივიდა, ჩხუბი თვითონ ატეხა, და პოლიციამ კი ის ადამიანები დაიჭირა, ვინც მას დანა წაართვეს, შემდეგ პატრულს გააყვანინეს, და ვინ იცის, იქ მყოფი სხვა ადამიანები რამხელა უბედურებისგან გადაარჩინეს. -წერს სამართლის მაგისტრი საბა ბრაჭველი

ინციდენტზე განმარტებას აკეთებს პოლიტიკური პარტია "გირჩი- მეტი თავისუფლება"

260 დღეზე მეტია, რაც რეჟიმს უწყვეტი პროტესტი აწუხებს. ყველანაირი გზა სცადეს მისი შეჩერებისთვის, მაგრამ ვერ შეძლეს – ვერც მომავალში შეძლებენ.

რეჟიმმა რუსთაველზე ტიტუშკები მიაგზავნა, რათა გამოეწვია არეულობა. ერთ-ერთი აღმოჩნდა არშემდგარი ფეხბურთელი, ქოცი ტიტუშკა - ბექა გოცირიძე, რომელიც აქციაზე დანით მივიდა და პროვოკაცია მოაწყო.

ნორმალურ ქვეყანაში დასჯიდნენ ბექა გოცირიძეს, თუმცა რეჟიმმა დააკავა აქციის ორი უდანაშაულო მონაწილე - თორნიკე თოშხუა და მინდია შერვაშიძე

სრული სოლიდარობა თორნიკე თოშხუას და მინდია შერვაშიძეს - წრერდს "გირჩი-მეტი თავისუფლება"