კოალიცია ცვლილებისთვის განცხადებას ავრცელებს და აცხადებს, რომ სრულ სოლიდარობასა და მხარდაჭერას უცხადებს ქართულ არასამთავრობო ორგანიზაციებს, რომლებსაც, კოალიციის თქმით, რეჟიმი დღეს ღიად დაემუქრა.

არასამთავრობო ორგანიზაციების განცხადებით, 11 აგვისტოს ანტიკორუფციული ბიუროსგან მორიგი წერილი მიიღეს, რომელშიც ქართული ოცნების FARA-ს დარღვევას ედავებიან.

ასევე, NGO-ების განცხადებით, წერილში ანტიკორუფიული ბიურო ემუქრება სისხლისსამართლებრივი პასუხისმგებლობით და ითხოვს განმარტებას, რატომ არ დარეგისტრირდნენ აგენტებად.

კოალიცია აცხადებს, რომ ამ ვითარებაში განსაკუთრებით დასაფასებელია ქართული არასამთავრობო ორგანიზაციების პრინციპულობა, გაუტეხლობა და თანმიმდევრულობა. სწორედ მსგავსი უკომპრომისო წინააღმდეგობა არის გზა გამარჯვებისკენ.

განცხადება სრულად:

"სრულ სოლიდარობასა და მხარდაჭერას ვუცხადებთ ქართულ არასამთავრობო ორგანიზაციებს, რომლებსაც რეჟიმი დღეს ღიად დაემუქრა სისხლისსამართლებრივი დევნით, რადგან მათ არ მიიღეს რუსული კანონის თამაშის წესები და არ დარეგისტრირდნენ აგენტებად.

მიუხედავად, ევროკავშირის მოთხოვნებისა, “ქართულმა ოცნებამ” გააუქმოს ყველა ანტიდემოკრატიული კანონი, ივანიშვილის რეჟიმი განაგრძობს კრემლის გზით სიარულს და სწორედ ასე ცდილობს გააჩუმოს თავისუფალი და დამოუკიდებელი მედია და არასამთავრობო ორგანიზაციები, რომლებიც ჩვენი თანამოქალაქეების პრობლემების გახმოვანებასა და მათი გადაჭრის გზებზე მუშაობენ. რეჟიმი ევროკავშირის მოთხოვნების უგულებელყოფით გვართმევს უვიზო მიმოსვლასა და შანსს გავხდეთ ევროკავშირის წევრი სახელმწიფო.

ამ ვითარებაში განსაკუთრებით დასაფასებელია ქართული არასამთავრობო ორგანიზაციების პრინციპულობა, გაუტეხლობა და თანმიმდევრულობა. სწორედ მსგავსი უკომპრომისო წინააღმდეგობა არის გზა გამარჯვებისკენ", - ვკითხულობთ განცხადებაში. 

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს