"ქართული ოცნების" პრემიერ-მინისტრი ირაკლი კობახიძე თურქმენეთში, ქალაქ ავაზაში, გაეროს კონფერენციაში მონაწილეობს. ამ ფონზე ცნობილუ გახდა რომ კოპენჰაგენში კობახიძეს და მის გუნდს არ მიიწვევენ.

როგორც გახდა ცნობილი. საქართველოს მთავრობამ გადაწყვიტა ევროკავშირში ინტეგრაციის პროცესის 2028 წლამდე შეჩერება. დანია, როგორც ევროკავშირის საბჭოს თავმჯდომარე ქვეყანა, საქართველოს სექტემბერში დაგეგმილ შეხვედრაზე კანდიდატი ქვეყნის სტატუსით არ მოიწვევს. ამის შესახებ დანიის საგარეო საქმეთა სამინისტრომ „ინტერპრესნიუსს“ წერილობით აცნობა, როდესაც სააგენტოს კითხვაზე უპასუხა, თუ რატომ არ მიუღია მოწვევა საქართველოს ევროკავშირის 27 წევრი ქვეყნის ევროპულ საქმეთა მინისტრების შეხვედრაზე დანიაში, რომელიც 1-2 სექტემბერს დანიაში გაიმართება და რომელსაც უკრაინის, მოლდოვას, დასავლეთ ბალკანეთის ქვეყნებისა და თურქეთის წარმომადგენლები დაესწრებიან.

დღეს საქართველოს მთავრობის ინფორმაციით, კონფერენციის მონაწილე ლიდერებს თურქმენეთის პრეზიდენტი სერდარ ბერდიმუჰამედოვი და გაეროს გენერალური მდივანი ანტონიო გუტიერეში მასპინძლობენ.

„საქართველოს მთავრობის მეთაური კონფერენციის ოფიციალურ გახსნას დაესწრო, რომლის მონაწილეებს სიტყვით მიმართეს ანტონიო გუტიერეშმა და სერდარ ბერდიმუჰამედოვმა.

ირაკლი კობახიძე კონფერენციაზე დღეს სიტყვით გამოვა. პრემიერ-მინისტრი აქცენტს გააკეთებს საქართველოს სტრატეგიულ მდებარეობაზე, ქვეყნის - როგორც აღმოსავლეთისა და დასავლეთის დამაკავშირებელი დერეფნის - როლზე, რომელიც ზღვაზე გასასვლელის არმქონე 8 ქვეყანას დაკავშირებადობის კუთხით მნიშვნელოვან შესაძლებლობებს სთავაზობს.

გაეროს კონფერენციის გახსნამდე სამიტის მონაწილე სახელმწიფოთა ლიდერებს სიტყვით მიმართა თურქმენეთის ეროვნულმა ლიდერმა, სახალხო საბჭოს თავმჯდომარე გურბანგული ბერდიმუჰამედოვმა.

ოფიციალურ ღონისძიებას ავაზას კონგრესცენტრში საქართველოს პრემიერ-მინისტრი ირაკლი კობახიძე დელეგაციასთან ერთად დაესწრო“,- აღნიშნულია ინფორმაციაში.

ავტორი: ექსპრესნიუსი,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო