დიდი ბრიტანეთის ევროპის, ჩრდილოეთ ამერიკისა და საზღვაო საკითხებში სახელმწიფო მინისტრმა, სტივენ დაუტიმ, განაცხადა, რომ იგი კვლავ ღრმად შეშფოთებულია საქართველოში მთავრობის მიერ ოპოზიციონერი პოლიტიკოსების, სამოქალაქო საზოგადოებისა და დამოუკიდებელი მედიის მიმართ მზარდი ზეწოლის გამო.

მან გაიხსენა, რომ 11 ივლისს, ევროპელ პარტნიორებთან კოორდინაციით, ბრიტანეთის საგარეო საქმეთა სამინისტროს ხელმძღვანელმა „გმო ოპოზიციური პოლიტიკოსების პოლიტიკურად მოტივირებული დაკავებები“.

„მე არაერთხელ მივაპყარი ყურადღება სამოქალაქო საზოგადოებისა და მშვიდობიანი დემონსტრანტების წინააღმდეგ მიმართულ რეპრესიულ კანონმდებლობაზე. ჩვენ შევამცირეთ ჩვენი ორმხრივი თანამშრომლობის დონე და განვიხილავთ ყველა სხვა ვარიანტს, რაც ჩვენთვის ხელმისაწვდომია. ჩვენ მოვუწოდებთ „ქართულ ოცნებას“, შეცვალოს კურსი და ჩაერთოს ინკლუზიურ ეროვნულ დიალოგში საქართველოს მომავლის ყველა დაინტერესებულ მხარესთან“, - განაცხადა ბრიტანელმა პოლიტიკოსმა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს