„პუბლიკის” რედაქტორს, ზურაბ ვარდიაშვილს თბილისის საქალაქო სასამართლოს მანდატურის სამსახურის უფროსმა, დავით მატიაშვილმა ვიდეოს გადაღების გამო პირადობის მოწმობა ჩამოართვა და კანონის წინაშე პასუხისგებით დაემუქრა.

ზურა ვარდიაშვილმა თქვა, რომ ინციდენტი მას შემდეგ მოხდა, რაც მატიაშვილმა ჯერ „ახალის” წევრი, ნოდარ ჩაჩანიძე ძალის გამოყენებით გაიყვანა სასამართლოს შენობიდან.

„ახალის” წევრი ნოდარ ჩაჩანიძე გიორგი ახობაძის სასამართლო სხდომის დარბაზთან, დერეფანში იჯდა. მანდატურის სამსახურის უფრომა, დავით მატიაშვილმა ადგილის დატოვება მოსთხოვა. მატიაშვილი ეუბნებოდა, ვინ გიხდის, აქ რომ ზიხარო და ა.შ. ჩაჩანიძემ, როგორ მელაპარაკებიო.

მატიაშვილმა სტაცა ხელი და მიათრევდა. დერეფანში გადაღება არ დამიწყია, მაგრამ გარეთ რომ გააგდო, თავიდან ამომივარდა, რომ გადაღება ეზოშიც აკრძალულია. კიბეებთან დავიწყე გადაღება. ეს რომ დაინახა, მეცა და შემათრია შიგნით. პირადობა ჩამომართვა, გადაცემულიაო და კანონის წინაშე აგებ პასუხსო”. – თქვა ზურა ვარდიაშვილმა.

ის სასამართლოს შენობაში, ერთ-ერთ ოთახში რამდენიმე წუთის განმავლობაში ყავდათ ჩაკეტილი, შემდეგ კი პირადობის მოწმობა დაუბრუნეს და გაათავისუფლეს.

ავტორი: ექსპრესნიუსი,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა