ლიტველმა ევროპარლამენტარმა, რასა იუკნევიჩიანემ თქვა, რომ საქართველოსთვის უვიზო რეჟიმის შეჩერების შემთხვევაში, პასუხისმგებლობა სრულად ქართულ ოცნებასა და ბიძინა ივანიშვილს დაეკისრება. 

ამის შესახებ იუკნევიჩიანემ ევროპარლამენტში საქართველოსთან დაკავშირებით მიმდინარე დებატების დროს განაცხადა

იუკნევიჩიანემ ასევე თქვა, რომ ევროპული სახალხო პარტიის პოლიტიკური ჯგუფის მიერ რეზოლუციის პროექტში წარდგენილი ერთ-ერთი შესწორება საქართველოსა და ევროკავშირს შორის ასოცირების შეთანხმების შესახებ ფორმულირების გამკაცრებას მოიაზრებს.

"მსურს, ხაზი გავუსვა, რომ საქართველოს უვიზო რეჟიმის შესაძლო შეჩერებაზე სრული პასუხისმგებლობა ივანიშვილსა და მის პარტიას ეკისრება. უვიზო მიმოსვლა დემოკრატიულ ქვეყნებს ენიჭებათ და არა რეჟიმებს, რომლებიც მოქალაქეებს პოლიტიკური მიზეზების გამო აკავებენ.

საქართველო მთელს ევროპას ადარდებს, რეჟიმი მცდარად ირწმუნება, რომ ქართველი ხალხი არავის ადარდებს". - თქვა იუკნევიჩიანემ.

ევროპარლამენტარი ამავდროულად გამოემაურა ქართული ოცნების მხარდამჭერი სუვერენულ ერთა ევროპის (ESN) პოლიტიკური ჯგუფის მიერ რეზოლუციის პროექტში წარდგენილ შესწორებას, რომლითაც "ეწინააღმდეგება საქართველოს ევროკავშირში გაწევრიანებას".

"სწორედ ამიტომ მათმა მეგობრებმა კრემლში და ულტრამემარჯვენეებმა, როგორებიც არიან ESN, (რედ. - "ქართული ოცნების" მხარდამჭერი ჯგუფი ევროპარლამენტში) წარადგინეს შესწორებები, რომლებიც ევროკავშირში საქართველოს გაწევრიანებას ეწინააღმდეგება. არა, ჩვენ ამას ხმას არ მივცემთ". - თქვა იუკნევიჩიანემ. 

ევროპარლამენტში წუხელ საქართველოს საკითხზე დებატები გაიმართა, დღეს კი კენჭს უყრიან ანგარიშს საქართველოს შესახებ.

ავტორი: ექსპრესნიუსი,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა