გერმანიის საგარეო საქმეთა სამინისტროში აცხადებენ, რომ გერმანიის ფედერალური რესპუბლიკა მხარს უჭერს საქართველოში ელჩს პიტერ ფიშერს და აღნიშნავს, რომ ის საქართველოში გერმანიის ინტერესებს წარმოადგენს.

ასე უპასუხა გერმანიის საგარეო საქმეთა სამინისტროს სპიკერმა ფორმულას მიერ დასმულ კითხვას, რომელიც ქართული ოცნების წარმომადგენლების მხრიდან პიტერ ფიშერზე თავდასხმას, მისი გაძევების მუქარასა და ვენის კონვენციის დარღვევას ეხებოდა. 

გერმანიის საგარეოში განმარტავენ, რომ ელჩის მოვალეობაა, იცოდეს რა ხდება საქართველოში და ესაუბროს ყველა შესაბამის პირს, "როგორც ეს ვენის კონვენციაშია მითითებული".

საგარეო აღნიშნავს, რომ უარყოფს მათი დიპლომატიური პერსონალის წინააღმდეგ უსაფუძვლო ბრალდებებს და მიუთითებს, რომ ურთიერთობების აღდგენა საქართველოზეა დამოკიდებული. 

"გერმანიის ფედერალური რესპუბლიკა მხარს უჭერს საქართველოში თავის ელჩს. ის წარმოადგენს ჩვენს ინტერესებს საქართველოში. მისი მოვალეობა - იცოდეს, რა ხდება საქართველოში და ესაუბროს ყველა შესაბამის პირს, როგორც ეს ვენის კონვენციაშია მითითებული.

30 წელზე მეტი ხნის განმავლობაში გერმანია საქართველოს დიდი პარტნიორი და მეგობარი იყო. ჩვენი პოლიტიკა არ შეცვლილა. საქართველოს ხელისუფლების ქმედებებმა გამოიწვია გერმანიასთან, ევროკავშირთან და სხვა საერთაშორისო პარტნიორებთან ურთიერთობების გაუარესება. ჩვენ უარვყოფთ ჩვენსა და ჩვენი დიპლომატიური პერსონალის წინააღმდეგ უსაფუძვლო ბრალდებებს.

ურთიერთობების აღდგენა საქართველოზეა დამოკიდებული", - აცხადებს სპიკერი.

ავტორი: ექსპრესნიუსი,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა