მე როდის შევწყვეტ შიმშილობას, ეს ჩემი პირადი გადაწყვეტილებაა - მე არავის ველაპარაკები მოთხოვნით, მით უმეტეს ოპოზიციაში არავისთან ვსაუბრობ შანტაჟის ენით. მე ვლაპარაკობ ხმამაღლა იმ სტრატეგიაზე, რომელიც მე აუცილებლად მიმაჩნია და რომელზეც მინდა, რომ შევჯერდე აბსოლუტურად ყველასთან, - ამის შესახებ „კოალიცია ცვლილებისთვის“ ერთ-ერთმა ლიდერმა, ელენე ხოშტარიამ ჟურნალისტებთან განაცხადა.

მისი თქმით, „პოლიტიკური ამოცანა არის ერთობა ართანამშრომლობის გარშემო და მათ შორის, აქტიურ საპროტესტო მოქმედებებზე გადასვლა“.

„მე როდის შევწყვეტ შიმშილობას, ეს ჩემი პირადი გადაწყვეტილებაა. მე მაქვს ნათქვამი, რა არის პოლიტიკური ამოცანები. პოლიტიკური ამოცანა არის ერთობა ართანამშრომლობის გარშემო და აქტიურ მოქმედებებზე გადასვლა. მათ შორის, აქტიურ საპროტესტო მოქმედებებზე გადასვლა, რაშიც მე ძალიან აქტიურად ვიქნები ჩართული. ჩვენ ამ მიზნისკენ მივდივართ და დარწმუნებული ვარ, როგორი ერთობითაც მოვედით აქამდე ამ ართანამშრომლობის საკითხში - პარლამენტში იქნებოდა ეს თუ კომისიაზე - ასეთივე ერთობით გავაგრძელებთ ბრძოლას, რომელიც დღეს გადამწყვეტია, რომ რეჟიმი, რომელიც ირყევა, ბოლომდე ჩამოიქცეს ჩვენი აქტიური მოქმედებებით. მე არავის ველაპარაკები მოთხოვნით, მითუმეტეს ოპოზიციაში არავისთან ვსაუბრობ შანტაჟის ენით. მე ვლაპარაკობ ხმამაღლა იმ სტრატეგიაზე, რომელიც მე აუცილებლად მიმაჩნია და რომელზეც მინდა რომ შევჯერდე აბსოლუტურად ყველასთან, რადგან მიმაჩნია, რომ ეს მხოლოდ ჩემი ბრძოლა არ არის, ეს არის ყველა მოქალაქის და პოლიტიკური პარტიის ბრძოლა“, - განაცხადა ელენე ხოშტარიამ.

ამასთან, ხოშტარიამ ისაუბრა გუშინდელ საპროტესტო აქციაზე და აღნიშნა, რომ გუშინ ძალიან მნიშვნელოვანი აქცია იყო.

„გუშინ ძალიან მნიშვნელოვანი აქცია იყო - იყო ბევრი ადამიანი, იყო კიდევ ერთი განაცხადი, რომ ხალხი აგრძელებს ბრძოლას, იყო პოლიტიკური სპექტრის განაცხადი, რომ ვართ ერთად და მივდივართ იმ მთავარი მიზნისკენ, რომ ერთობას ჰქონდეს კონკრეტული მოქმედების სახე და დარწმუნებული ვარ, მალე ასეც იქნება“, - განაცხადა ხოშტარიამ.

ავტორი: ექსპრესნიუსი,

სოციალური ქსელები

უკრაინაში საცხოვრებელ შენობებზე რუსეთის მიერ განხორციელებული ავიადარტყმების შედეგად ოთხი ადამიანი დაიღუპა

დააკავეს პირი, რომელმაც მაღაზიიდან კომპიუტერულ ტექნიკა მოიპარა

ტრამპი აცხადებს, რომ მისი შვილი დააბრუნებს იმ თანხას, რომელიც რუსმა ოლიგარქმა ქორწილში დახარჯა

სახელმწიფო დეპარტამენტმა უკრაინისთვის 2.68 მილიარდი დოლარის ღირებულების საჰაერო თავდაცვის სისტემების მიყიდვა დაამტკიცა