გამოცხადებული ტერორის რეჟიმი - ოცნების დაჯგუფებამ მათე დევიძე 4 წლით და 6 თვით პატიმრობაში გაუშვა

2025-06-12 19:56:19, 4941 ნახვა

რეჟიმმა მათე დევიძეს 4 წლით და 6 თვით პატიმრობა მიუსაჯა - გადაწყვეტილება მოსამართლე ნინო გალუსტაშვილმა მიიღო. საქმის პროკურორი ანა ხუბეჯაშვილი იყო.

გალუსტაშვილის გადაწყვეტილებით, სასჯელის მოხდის ვადის ათვლა დაკავების დღიდან დაიწყება. წინასწარ პატიმრობაში ყოფნის დრო სასჯელს გამოექვითება.

მათე დევიძე განაჩენს სხოდმათა დარბაზში არ დასწრებია. "არ შემიძლია გადაწყვეტილების მოსმენა" - თქვა დევიძემ და სხდომათა დარბაზი დატოვა.

მოსამართლე ნინო გალუსტაშვილმა 21 წლის მათე დევიძეს 4 წლით და 6 თვით თავისუფლების აღკვეთა მიუსაჯა.

მათე განაჩენის გამოცხადებას არ დასწრებია.

მანამდე კი მან საბოლოო სიტყვა თქვა.

„სალამი, მებრძოლებო. ეს სიტყვა ჩემთვის ყოველთვის ასოცირდებოდა შუა საუკუნეებთან, მაგრამ დღეს არსებობს ასეთი გამოთქმა, რომ …. იცით ყველამ რომ აქ მხოლოდ თქვენს სანახავად მოვდიოდი და ეს ალბათ ბოლო დღეც იქნება. იცით ყველამ რომ თელავიდან ჩამოვდიოდი თბილისში აქციებზე, რადგან თანამოაზრეებთან ერთად გამეპროტესტებინა მშვიდობიანი პროტესტით ევროკავშირის კურსიდან გადახვევა.

19 ნოემბრის გამთენიისას ჭავჭავაძის გამზირზე როცა დაიწყეს ფორმიანებმა დაშლა, მაგ დროს ვიყავი 2 დღის უძილო, ძალიან, ძალიან დაღლილი ვიყავი და ვერ გავაცნობიერე, რა ხდებოდა. როცა დაიწყეს ჩვენზე გადამეტებული ძალის გამოყენება., მე მოვყევი ამ შეხლა-შემოხლაში, ვეცადე, გავრიდებოდი, მაგრამ ეს ვერ მოვახერხე, იცით შემდეგ, რაც მოხდა. […] ჩვენ გვწირავთ მხოლოდ იმიტომ, რომ თქვენს მბრძანებელს შეუსრულოთ საქმე, მაპატიეთ მეგობრებო, მაგრამ მე უნდა დავტოვო დარბაზი”. – თქვა მათემ.

ლელო საქართველოსთვის ერთ-ერთი ლიდერი, მამუკა ხაზარაძე მათე დევიძისთვის 4 წლითა და 6 თვით პატიმრობის მისჯას.

რეჟიმის მსახურმა სასამართლომ დღეს მათეს თავი საჩვენებლად მიართვა უსამშობლო პატრონს!

ეს სამარცხვინო გადაწყვეტილება ივანიშვილის კიდევ ერთი საბედისწერო შეცდომაა!

მათე დღეს ყველა ჩვენგანის შვილია - შეუპოვრობის, თავდადების და ძლიერი სულის სიმბოლოა.

მაგარო ბიჭო, არ გატყდე! თავისუფლებისთვის ბრძოლა ყველას არ შეუძლია!

შენს გვერდით გვიგულე!

მათე დევიძეს არ უსჯიან დანაშაულისთვის, მას სჯიან თავისუფლებისთვის ბრძოლისთვის, - ასე ეხმაურება „სტრატეგია აღმაშენებლის“ ლიდერი, გიორგი ვაშაძე პოლიციელზე თავდასხმაში ბრალდებულ 21 წლის მათე დევიძისთვის თავისუფლების 4 წლითა და 6 თვით აღკვეთას.

ვაშაძის თქმით, „ეს არის რეჟიმის შურისძიება და თავისუფლების მოყვარე ხალხის ტყვედ აყვანა“.

„ივანიშვილი აკეთებს ყველაფერს, რომ შური იძიოს ახალგაზრდებზე, მოქალაქეებზე, ყველაზე ვინც ხმამაღლა აპროტესტებს უსამართლობას. ე.წ. ხელისუფლება მზად არის, ყველას გაჩუმებას შეეწიროს ყველაფერი, ოღონდ დარჩეს ძალაუფლებაში.

ვერ გაგვაჩუმებენ! ვერ გაგვაჩერებენ! ერთად დავასრულებთ ამ რეჟიმს და დავიბრუნებთ თავისუფლებას! მათე და ყველა სინდისის პატიმარი აუცილებლად იქნებიან თავისუფლები!", - აცხადებს გიორგი ვაშაძე.