2025-06-03 21:30:01, 1574 ნახვა
საზოგადოება
პროტესტის 188-ე დღეს რუსთაველის გამზირი კვლავ გადაიკეტა
პარლამენტთან საპროტესტო აქცია მიმდინარეობს. პროტესტის მონაწილეებს რუსთაველის გამზირი გადაკეტილი აქვთ.
პროტესტის მონაწილეები სკანდირებენ: “თავისუფლება რეჟიმის ტყვეებს!”, “ცეცხლი ოლიგარქიას!”…
პროტესტის 188-ე დღესაც მომიტინგეები საკანონმდებლო ორგანოსთან უცვლელი მოთხოვნებით შეიკრიბნენ - დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.
პარლამენტთან შეკრებილებს აქციის ის მონაწილეები შეუერთდებიან, რომლებიც საზოგადოებრივ მაუწყებელთან არიან შეკრებილები, საიდანაც ჩვეულებისამებრ მსვლელობით რუსთაველის გამზირზე გადაინაცვლებენ.
ავტორი: ექსპრესნიუსი,
epn.ge (@expressnews.ge)
