2025-05-30 13:20:02, 854 ნახვა
სამართალი
სასამართლოსთან პოლიციის მობილიზებაა - ადგილზე უკვე იკრიბებიან ნიკა მელიას მხარდამჭერებიც
„კოალიცია ცვლილებისთვის“ ერთ-ერთი ლიდერის, ნიკა მელიას სასამართლო პროცესამდე, რომელიც თბილისის საქალაქო სასამართლოში 14:00 საათზე უნდა დაიწყოს, სასამართლოს ეზოსა და მიმდებარე ტერიტორიაზე საპოლიციო ძალების მობილიზებაა. ასევე, ადგილზე უკვე იკრიბებიან ნიკა მელიას მხარდამჭერებიც.
სამართალდამცავები და სასამართლოს მანდატურის სამსახურის წარმომადგენლები მობილიზებულები არიან სასამართლოს შესასვლელ ორივე ჭიშკართანაც, სადაც მოქალაქეების მხოლოდ გადამოწმების შემდგომ უშვებენ.
შეგახსენებთ, საუბარია სასამართლო პროცესზე, რომელიც ეხება საგამოძიებო კომისიაზე გამოუცხადებლობას, რისთვისაც ნიკა მელიას 50 000-ლარიანი გირაო აქვს შეფარდებული.
ავტორი: ექსპრესნიუსი,
epn.ge (@expressnews.ge)
