სასამართლო და მართლმსაჯულება ჩვენ არ გვაქვს, ეს არის ხელისუფლების დანამატი, რომელიც იმას აკეთებს, რასაც ივანიშვილი იტყვის. იმედი მაქვს, რეჟიმი სწრაფად და რადიკალურად ჩამოიშლება, - ამის შესახებ „კოალიცია ცვლილებისთვის“ ლიდერმა ნიკა გვარამიამ განაცხადა. ის გამოცემა “ბათუმელებისა” და “ნეტგაზეთის” დამფუძნებლის, მზია ამაღლობელის საქმეზე მიმდინარე სასამართლო პროცესს დაესწრება.

როგორც ნიკა გვარამია აღნიშნავს, რეჟიმის სწრაფი ჩამოშლა მნიშვნელოვან ცვლილებებს მოიტანს საქართველოსა და რეგიონისთვის.

„სასამართლოსგან სერიოზული მოლოდინები არ გვაქვს. სასამართლო და მართლმსაჯულება ჩვენ არ გვაქვს, ეს არის ხელისუფლების დანამატი, რომელიც იმას აკეთებს, რასაც ივანიშვილი იტყვის. იმედი მაქვს, რეჟიმი სწრაფად და რადიკალურად ჩამოიშლება, ეს კი მოიტანს მნიშვნელოვან ცვლილებებს საქართველოსა და რეგიონისთვის.

მე აქ ვარ იმისთვის, რომ მზია ამაღლობელს მხარი დავუჭირო, პროცესზე შევიდე, ასევე შევხვდე ევროპარლამენტის წარმომადგენლებს, რომლებიც აქ არიან. ვიცნობ და მთხოვეს ჩამოსვლა. ასევე, მხარი დავუჭირო მზიას წარდგენას სახაროვის პრემიაზე, რაც ევროპარლამენტის პრეროგატივაა“, - აღნიშნა გვარამიამ.

ავტორი: ექსპრესნიუსი,

სოციალური ქსელები

მოსკოვის აეროპორტებში 30-ზე მეტი რეისი ვერ დაეშვა

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.