2025-05-14 21:21:04, 1386 ნახვა
პოლიტიკა
რუსთაველის გამზირზე პოლიციის კორდონია - აქციის მონაწილეების ცნობით, გზის გადაკეტვის საშუალებას არ აძლევენ
რუსთაველის გამზირზე სამართალდამცველები არიან მობილიზებული. აქციის მონაწილეების ინფორმაციით, პოლიცია მათ გზის გადაკეტვის საშუალებას არ აძლევს.
პოლიციამ პარლამენტის მიმდებარე პერიმეტრზე კორდონი გააკეთა.
რუსთაველის გამზირზე საპროტესტო აქციის მონაწილეები უკვე 168 დღეა იკრიბებიან.
დემონსტრანტების მოთხოვნები უცვლელია - დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.
პარალელურად, აქცია მიმდინარეობს საზოგადოებრივი მაუწყებლის შენობასთანაც, საიდანაც მოქალაქეები საპროტესტო მსვლელობით პარლამენტთან მიმდინარე აქციას შეუერთდებიან.
ავტორი: ექსპრესნიუსი,
epn.ge (@expressnews.ge)
