[გერმანიის ელჩმა] ზუსტად იცის, რომ „დიფ სთეითიც“ არსებობს და რასაკვირველია, არსებობს მართვის გარკვეული სისტემა, რომელშიც თავად ჩართულია ერთ-ერთ პატარა ჭანჭიკად - თვითონ ამერიკის შეერთებული შტატების ახალი ადმინისტრაცია ადასტურებს რომ „დიფ სთეითი“ არსებობს, - ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა, რითაც შეაფასა საქართველოში გერმანიის ელჩის, პეტერ ფიშერის განცხადება, რომ „დიფ სთეითი“ არ არსებობს.

ვოლსკის თქმით, „დიფ სთეითი“ წლების განმავლობაში არსებობს, მოქმედებს და თავისი ინტერესები აქვს.

მისი თქმით, საქართველო „დიფ სთეითის“ უსამართლო მოქმედებების ერთ-ერთი სამიზნეა.

„ზუსტად იცის თვითონ, რომ „დიფ სთეითიც“ არსებობს და რასაკვირველია, არსებობს მართვის გარკვეული სისტემა, რომელშიც თვითონ ჩართულია ერთ-ერთ პატარა ჭანჭიკად. ის, რომ „დიფ სთეითი“ არსებობს, თვითონ ამერიკის შეერთებული შტატების ახალი ადმინისტრაცია ადასტურებს. ეს ახალი მოვლენა არ არის, „დიფ სთეითი“ წლების განმავლობაში არსებობს, მოქმედებს, თავისი ინტერესები აქვს და ეს საკვირველიც არ არის არავისთვის, გარდა იმ ხალხისა, ვისაც მიაჩნია, რომ მის მიმართ ამ „დიფ სთეითის“ მოქმედება არის უსამართლო. საქართველო არის ამ უსამართლობის ერთ-ერთი სამიზნე. გერმანიის ელჩიც ლაპარაკობს სანქციებზე და ამ დროს, არათუ სანქციები, არამედ მილიარდობით დახმარებას უწევს სირიის ახალ ხელისუფლებას, მიუხედავად იმისა, რომ იცის, უამრავი სისხლი დაიღვარა სირიის ქუჩებში მას შემდეგ, რაც ეს ახალი ხელისუფლება მოვიდა სათავეში. უფრო მეტიც, გერმანიაში იწვევენ იმისთვის, რათა შობადობის პრობლემა იქნას დაძლეული. ეს უკვე ორმაგი სტანდარტი არ არის. ეს არის კონკრეტული პოლიტიკური გეგმა, რომელსაც გარკვეული მიზნები და ამოცანები აქვს,“ - განაცხადა ვოლსკიმ.

ცნობისთვის, პეტერ ფიშერმა „ინტერპრესნიუსთან“ განაცხადა, რომ „დიფ სთეითი“ არ არსებობს და ის გამოგონილია.„ჩვენ ნამდვილად არ ვართ „დიფ სთეითი“, ეს არ არსებობს, ეს გამოგონილია და თუ ვინმეს შეუძლია „დიფ სთეითი“ მაჩვენოს, მე ძალიან მაინტერესებს მისი ნახვა,“ - განაცხადა ფიშერმა.

ავტორი: ექსპრესნიუსი,

სოციალური ქსელები

CNN: ტრამპმა ბოლო 12 დღის განმავლობაში განსაკუთრებით უცნაური საქციელი გამოავლინა

დაავადებათა კონტროლის ცენტრი - ბავშვების მდგომარეობა დამაკმაყოფილებელია, შემთხვევებს მნიშვნელოვანი გართულებები არ მოჰყოლია

112-ში ზარები შეფერხებით შედის - გამოქვეყნდა ალტერნატიული საკონტაქტო ნომრები

მოსკოვის აეროპორტებში 30-ზე მეტი რეისი ვერ დაეშვა