Sky News-ის ინფორმაციით, ლონდონში უკრაინაში მიმდინარე ომის დამთავრების შესახებ დაგეგმილ შეხვედრას აღარ დაესწრებიან გაერთიანებული სამეფოს, საფრანგეთის, უკრაინისა და გერმანიის საგარეო საქმეთა მინისტრებიც.

მანამდე, გავრცელდა ცნობები, რომ შეხვედრაზე აღარ ჩავიდოდნენ აშშ-ს სახელმწიფო მდივანი მარკო რუბიო და ტრამპის სპეციალური წარმომადგენელი სტივ უიტკოფიც მას შემდეგ, რაც უკრაინამ უარი თქვა მედიაში გავრცელებულ დაუდასტურებელ ამერიკულ გეგმაზე, რომელიც სამშვიდობო შეთანხმების ფარგლებში ყირიმზე სავარაუდოდ რუსული ოკუპაციის აღიარებას ითვალისწინებს.

შედეგად, ლონდონში დაგეგმილ შეხვედრას სხვა მაღალჩინოსნები გაუძღვებიან. თუმცა, ამის მიუხედავად, უკრაინის საგარეო საქმეთა მინისტრი ანდრიი სიბიჰა მაინც აპირებს ლონდონში ჩასვლას და ბრიტანელ კოლეგასთან, დევიდ ლემისთან შეხვედრას.

წინა დღეებში სხვადასხვა მედიაში გავრცელდა ინფორმაცია, რომ 17 აპრილს აშშ-მ უკრაინას ცეცხლის შეწყვეტის შეთანხმების წინადადება წარუდგინა, რომელიც რუსეთის მიერ ყირიმის ნახევარკუნძულის ლეგალური კუთხით აღიარებასაც მოიცავდა.

მოგვიანებით, უკრაინის პრეზიდენტმა ვოლოდიმირ ზელენსკიმ გამორიცხა მსგავსი ნაბიჯი და ხაზგასმით აღნიშნა, რომ ყირიმი უკრაინის სუვერენული ტერიტორიაა, ხოლო რუსული ოკუპაციის აღიარება კონსტიტუციის დარღვევა იქნება.

გამოცემა Axios-ის ინფორმაციით, ლონდონში აშშ-ს დელეგაციას უკრაინაში ტრამპის სპეციალური წარმომადგენელი, კით კელოგი გაუძღვება. გავრცელებული ცნობებით, უკრაინა შეხვედრაზე 30-დღიანი ცეცხლის შეწყვეტის შეთანხმების განხილვას აპირებს.

პარალელურად, გამოცემა Financial Times საკუთარ წყაროებზე დაყრდნობით წერდა, რომ პუტინმა აშშ-ს უკრაინაში მიმდინარე ომის ამჟამინდელ ფრონტის ხაზზე გაყინვა შესთავაზა, რასაც რუსეთმა ცრუ ინფორმაცია უწოდა.

ავტორი: ექსპრესნიუსი,

სოციალური ქსელები

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად

პოლიციამ ნარკოდანაშაულის ბრალდებით შვიდი პირი დააკავა

თიბისი განაწილება უკვე 6 თვეზე - ეფექტური 0%-ით

ტრამპმა პუტინს შესთავაზა, რომ რუსული გაზი ევროკავშირს ამერიკული „საფარის“ მეშვეობით მიყიდოს