2025-04-11 15:52:28, 746 ნახვა
პოლიტიკა
საგამოძიებო კომისიაზე გამოუცხადებლობის გამო ნიკა მელიას საქმე პროკურატურაში გადაიგზავნება
საქართველოს პარლამენტში „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ სხდომაზე გამოუცხადებლობის გამო პარტია „ახლის“ ერთ-ერთი ლიდერის, ნიკა მელიას საქმე პროკურატურაში გადაიგზავნება.
ამის შესახებ გადაწყვეტილება საპარლამენტო კომისიის დღევანდელ სხდომაზე მიიღეს. საკითხი კენჭისყრაზე კომისიის ხელმძღვანელმა, თეა წულუკიანმა დააყენა.
შეგახსენებთ, პარლამენტის საგამოძიებო კომისიაზე გამოუცხადებლობის გამო პროკურატურაში გადაიგზავნება გიორგი ვაშაძის საქმეც. აღნიშნულის შესახებ კომისიის ხელმძღვანელმა, თეა წულუკიანმა საკითხი დღევანდელ სხდომაზე დააყენა, რასაც კომისიის წევრებმა მხარი დაუჭირეს.
ავტორი: ექსპრესნიუსი,
epn.ge (@expressnews.ge)
