ცდილობენ ცესკოს ცვლილებებს აბსურდული ვერსიები და ჰიპოთეტური სიგიჟეები მიაკერონ - საარჩევნო სისტემა იხვეწება, ფაქტობრივად, ელექტრონულზე არის გადასული და დამკვირვებელი თამაშობს მხოლოდ და მხოლოდ ფორმალურ როლს, - ამის შესახებ პარლამენტის ვიცე-სპიკერმა, ნინო წილოსანმა ცესკოს მიერ მიღებულ ცვლილებებთან დაკავშირებით განაცხადა.

მისივე თქვით, ელექტრონულ საარჩევნო სისტემაზე გადასვლით, ცესკომ მიიღო ისეთი საარჩევნო სისტემა, რომელიც გამორიცხავს ყველანაირ ცდომილებებს და „კარუსელებს“.

„არც ერთ ნორმალურ ქვეყანაში, ასეთი დოზით, ასეთი აგრესიულობით, არც უცხოელი და არც შიდა აგენტურული დამკვირვებლები არ იღებენ არჩევნების დროს მონაწილეობას. თავად სისტემა არის კარგად აწყობილი და მათ შორის, სწორედ ამ კარგ საერთაშორისო პრაქტიკაზე გადასვლით, ცესკომ მიიღო ისეთი საარჩევნო სისტემა, რომელიც გამორიცხავს ყველანაირ ცდომილებებს და „კარუსელებს“. თუ ვინმე ოდნავ მაინც მათემატიკურად აზროვნებს, ან აქვს ლოგიკური აზროვნების უნარი და იცნობს საარჩევნო სისტემას, იმ პროცესებს, რომელიც ელექტრონული არჩევნების დროს წარიმართება, რა თქმა უნდა, გამორიცხავს ყველა იმ აბსურდულ ვერსიებს და ჰიპოთეტურ სიგიჟეებს, რომელსაც ცდილობენ, რომ ახლა მიაკერონ ამ ცვლილებებს,“ - განაცხადა წილოსანმა.

ცნობისთვის, ცესკოს დადგენილებით, არჩევნების დღეს, კენჭისყრის შენობაში ყოფნის უფლების მქონე პირებისთვის რიგი შეზღუდვები დაწესდა, მათ შორის სიახლეა ის, რომ ამომრჩევლისთვის პირადობის დამადასტურებელი დოკუმენტის ჩვენების მოთხოვნა ან გამორთმევა დაუშვებელი იქნება. გარდა ამისა, იკრძალება ამომრჩევლის პირადობის დამადასტურებელი დოკუმენტის, ამომრჩეველთა ვერიფიკაციის აპარატზე გამოტანილი ამომრჩევლის მონაცემების, ამომრჩეველთა ვერიფიკაციის აპარატიდან ამობეჭდილი ამომრჩევლის ვერიფიკაციის დამადასტურებელი ქვითრისა და ამომრჩევლის მიერ საარჩევნო ბიულეტენზე გაკეთებული არჩევანის ფოტოვიდეოგადაღება ან სხვაგვარი დამუშავება. ცვლილებები “კენჭისყრის ელექტრონული საშუალებების გამოყენებით ჩატარების წესისა და პირობების განსაზღვრის შესახებ“ დადგენილებაში აისახა. ცესკო მიღებულ გადაწყვეტილებასთან დაკავშირებით სპეციალურ განცხადებას ავრცელებს. საარჩევნო ადმინისტრაციის განმარტებით, ცესკომ ამომრჩეველთა პერსონალური მონაცემებისა და გაკეთებული არჩევანის გამჟღავნებისგან დაცვის მიზნით კენჭისყრის პროცედურები დააზუსტა და “საარჩევნო კოდექსით“ გათვალისწინებულ არცერთ უფლებას არ ზღუდავს.

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება