პარლამენტში დროებითი საგამოძიებო კომისიის სხდომა მიმდინარეობს. სხდომაზე გიორგი ზერეკიძეს უსმენენ.

ზერეკიძე 14 წლის იყო, როცა 2008 წლის 8 იანვარს დააკავეს. მას გამოძიებამ ანგარების მიზნით მკვლელობის მცდელობა, ყაჩაღობა, ხულიგნობა დასდო ბრალად და 10 წლით თავისუფლების აღკვეთა შეეფარდა.

საქმის მასალების მიხედვით, 2006 წლის 6 იანვარს, გიორგი ზერეკიძემ შელაპარაკების ნიადაგზე ბეჭის არეში დანით ერთ-ერთი ფირმის დისტრიბუტორს, 23 წლის ლევან ბოჭორიშვილს მსუბუქი ჭრილობა მიაყენა. პირველადი ჩვენებით, ზერეკიძე ბოჭორიშვილს ფულს სძალავდა. მიუხედავად იმისა, რომ მოგვიანებით დაზარალებულმა 4-ჯერ შეცვალა ჩვენება, გამოძიება და სასამართლო მაინც პირველ ჩვენებას დაეყრდნო.

2010 წლის 24 მარტს კი, გიორგის ზერეკიძის მამა მამუკა ზერეკიძე ნარკოდანაშაულის ბრალდებით სპეციალურმა ოპერატიულმა დეპარტამენტმა თბილისის საერთაშორისო აეროპორტში, თვითმფრინავიდან ჩამოსვლისას დააკავა. მედიაში გავრცელებული ინფორმაციით, მის ბარგში დიდი რაოდენობით ნარკოტიკული ნივთიერება - 230 აბი სუბუტექსი აღმოაჩინა. მამუკა ზერეკიძემ დანაშაული აღიარა. მას სამუდამო პატიმრობა მიუსაჯეს. ერთი წლის შემდეგ - 16 აგვისტოს, რუსთავის #6 დაწესებულებაში პატიმარი მამუკა ზერეკიძე გარდაიცვალა. ოჯახს სიკვდილის მიზეზად დენის დარტყმა დაუსახელეს. მოგვიანებით მამუკა ზერეკიძის მეუღლის მოთხოვნით, ცხედარს ალტერნატიული ექსპერტიზა ჩაუტარდა, რომლის დროსაც გამოიკვეთა, რომ ცხედარს სხეულზე სხვადასხვა სახის დაზიანება აღენიშნებოდა და დენის კვალი არსად იყო.

გიორგი ზერეკიძე პატიმრობიდან პოლიტპატიმრის სტატუსით გათავისუფლდა.

ავტორი: ექსპრესნიუსი,

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა