ბადრა გუნბამ ოკუპირებული აფხაზეთის ე.წ. პრეზიდენტის თანამდებობა ოფიციალურად დაიკავა, - ამის შესახებ ინფორმაციას „ეხო კავკაზა“ ავრცელებს.

ე.წ. ინაუგურაციის ცერემონია ოკუპირებული აფხაზეთის ე.წ. სამთავრობო კომპლექსის დიდ დარბაზში გაიმართა.

გამოცემის ცნობით, მიწვეულ სტუმრებს შორის ოკუპირებული ცხინვალის რეგიონის ე.წ. პრეზიდენტი, ალან გაგლოევი და რუსეთის, ნიკარაგუის, ვენესუელისა და მოლდოვის სეპარატისტული რეგიონის, დნესტრისპირეთის წარმომადგენლები იყვნენ.

ბადრა გუნბას ე.წ. პრეზიდენტის თანამდებობის დაკავება რუსეთის პრეზიდენტმა, ვლადიმერ პუტინმაც მიულოცა და 9 მაისს მოსკოვში აღლუმზე მიიწვია.

ცნობისთვის, ოკუპირებული აფხაზეთის ე.წ. „ცენტრალური საარჩევნო კომისიის“ მონაცემების თანახმად, 1-ელ მარტს ჩატარებულ ე.წ. საპრეზიდენტო არჩევნების მეორე ტურში „საპრეზიდენტო კანდიდატმა“ ბადრა გუნბამ ხმების 54,73% მიიღო და ოკუპირებული აფხაზეთის „პრეზიდენტი“ გახდა.

ავტორი: ექსპრესნიუსი,

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა