|
2025-04-01 20:44:50, 1174 ნახვა
ეკონომიკა
Civic Idea - ჩინეთის ცენტრალურ ბანკთან შეთანხმება ქვეყნის ფინანსურ დამოუკიდებლობას საფრთხეს უქმნის
საქართველო „ვალის მახის დიპლომატიის“ საფრთხის წინაშე – ჩინეთის ცენტრალურ ბანკთან გაფორმებული შეთანხმება ქვეყნის ფინანსურ დამოუკიდებლობას საფრთხეს უქმნის. ამის შესახებ განცხადებაშია ნათქვამი, რომელსაც „სამოქალაქო იდეა“ ავრცელებს. განცხადებაში აღინიშნება, რომ 2025 წლის 26 მარტს საქართველოს ეროვნულ ბანკსა და ჩინეთის ცენტრალურ ბანკს შორის გაფორმებული ურთიერთგაგების მემორანდუმი ახალ საფრთხეს უქმნის ქვეყნის ფინანსურ სუვერენიტეტს. კერძოდ, „სამოქალაქო იდეა“ აცხადებს, რომ აღნიშნული შეთანხმება, რომელიც მოიცავს თანამშრომლობას მონეტარული პოლიტიკის, ფინანსური ტექნოლოგიების, საგადახდო სისტემებისა და ფასიანი ქაღალდების ბაზრის განვითარების მიმართულებით, შესაძლოა საქართველოს ეკონომიკა ჩინეთის ფინანსური გავლენის ზრდის საფრთხის წინაშე დააყენოს. „აღსანიშნავია, რომ ბოლო წლებში „ქართული ოცნების“ საგარეო პოლიტიკა აშკარად ჩინეთისკენ იყო მიმართული, რაც ქვეყნის ეკონომიკურ დამოკიდებულებას კიდევ უფრო აძლიერებს. მთავრობის გადაწყვეტილებები, მათ შორის, ევროკავშირის ფინანსურ დახმარებაზე უარის თქმა და ჩინეთის მიერ დომინირებად საერთაშორისო ფინანსურ ინსტიტუტებთან აქტიური თანამშრომლობის გაღრმავება, აჩენს საფუძვლიან ეჭვს, რომ საქართველო შესაძლოა „ვალის მახის დიპლომატიის“ მსხვერპლად იქცეს. ჩინეთის საბანკო სექტორთან თანამშრომლობა სერიოზულ საფრთხეებს მოიცავს, რომელთა შორისაა ფინანსური გაუმჭვირვალობა, პოლიტიკური ზეწოლა, კორუფციული სქემები და ვალის გადაუხდელობის შემთხვევაში სტრატეგიული აქტივების დაკარგვის რისკი. საერთაშორისო პრაქტიკა აჩვენებს, რომ ჩინური ფინანსური ინსტიტუტები ხშირად იყენებენ „ჯვარედინი დეფოლტის“ პუნქტებს, რაც კრედიტორისთვის პოლიტიკური და ეკონომიკური ზეწოლის ბერკეტების შექმნის შესაძლებლობას იძლევა. ამ ვითარებაში საქართველოსთვის უმნიშვნელოვანესია ფინანსური სუვერენიტეტის დაცვა და საერთაშორისო სტანდარტებისადმი ერთგულება. ხელისუფლების მიერ გატარებული ეკონომიკური პოლიტიკა და უცხოურ ფინანსურ ინსტიტუტებთან გაფორმებული შეთანხმებები უნდა ემსახურებოდეს ქვეყნის გრძელვადიან ინტერესებს და არა მასში უცხო სახელმწიფოს გავლენის გაძლიერებას”, - აღნიშნულია განცხადებაში. ანგარიში სრულად იხილეთ ბმულზე: https://shorturl.at/pWZea
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



