2025-03-28 16:31:17, 748 ნახვა
პოლიტიკა
სალომე ზურაბიშვილი ესტონეთის პარლამენტის თავმჯდომარესა და პრეზიდენტს შეხვდა
საქართველოს მეხუთე პრეზიდენტი, სალომე ზურაბიშვილი, რომელიც ესტონეთში იმყოფება, ესტონეთის პარლამენტის (რიიგიკოგუს) თავმჯდომარეს ლაური ჰუსარს და ესტონეთის პრეზიდენტს, ალარ კარისს შეხვდა.
ინფორმაციას თავად ზურაბიშვილი ავრცელებს.
შევხვდი ალარ კარისს. მან გადმოგცეთ თქვენ, ქართველ ხალხს, მისი ურყევი მხარდაჭერა თქვენს გადამწყვეტ ბრძოლაში ჩვენი ევროპული მომავლისთვის.
შევხვდი ლაური ჰუსარს, რომელმაც თავისი მხარდაჭერა მტკიცედ დაადასტურა საქართველოსა და ქართველი ხალხის მიმართ, ჩვენს ურყევ სწრაფვაში დემოკრატიული არჩევნებისთვის. მადლობა თქვენ პირადი მხარდაჭერისთვის - წერს სალომე ზურაბიშვილი.
შეგახსენებთ, საქართველოს მეხუთე პრეზიდენტი ბალტიის ქვეყნებში ვიზიტის ფარგლებში ესტონეთში იმყოფება.
ავტორი: ექსპრესნიუსი,
epn.ge (@expressnews.ge)
