ე.წ. დონეცკის სახალხო რესპუბლიკის უზენაესმა სასამართლომ სისხლის სამართლის საქმეზე საქართველოს მოქალაქეს, 30 წლის კუკური ბარამიძეს (ქართველი ბლოგერი დომენიკ მანგო) დაუსწრებლად 7 წლით თავისუფლების აღკვეთა მიუსაჯა.

ინფორმაციას ამასთან დაკავშირებით რუსეთის გენერალური პროკურატურა თავის ვებგვერდზე ავრცელებს.

ბარამიძე დამნაშავედ რუსეთის ფედერაციის სისხლის სამართლის კოდექსის 359-ე მუხლის მე-3 ნაწილის (შეიარაღებულ კონფლიქტში დაქირავებულ ჯარისკაცად მონაწილეობა) მიხედვით ცნეს და მკაცრი რეჟიმის კოლონიაში 7 წლით თავისუფლების აღკვეთა მიუსაჯეს.

"სასამართლოს ცნობით, 2022 წლის მარტიდან აპრილის ჩათვლით, ბარამიძე მონაწილეობდა შეიარაღებულ კონფლიქტში დაქირავებულის სტატუსით ქართული ეროვნული ლეგიონის შემადგენლობაში. მან სამხედრო წვრთნა გაიარა კიევში მდებარე საწვრთნელ ბაზებზე, სადაც მიიღო საბრძოლო იარაღის გამოყენების უნარები, შეისწავლა სტრატეგია, ტაქტიკა და შეიარაღებულ კონფლიქტში მონაწილეობისათვის აუცილებელი მოქმედების მეთოდები. ბარამიძე აღჭურვილი იყო ცეცხლსასროლი ავტომატური იარაღით, საბრძოლო მასალებით, უნიფორმით და სპეციალური აღჭურვილობით, რის შემდეგაც მონაწილეობდა საბრძოლო მოქმედებებში დნრ-ის ძალოვანი სტრუქტურებისა და რუსეთის შეიარაღებული ძალების სამხედროების წინააღმდეგ" - ნათქვამია პროკურატურის განცხადებაში.

რუსეთის მტკიცებით, ბარამიძემ 310 000 რუსული რუბლის ოდენობის ანაზღაურება მიიღო.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა