ნებისმიერი დამოუკიდებელი დამკვირვებელი გეტყვით, რომ დანაშაული რეალური და უმძიმესია არამარტო სისხლის სამართლის კონკრეტული კოდექსის მუხლებთან მიმართებაში, არამედ ზოგადად სახელმწიფოსთან მიმართებაში და რასაკვირველია, მისი პასუხისმგებლობა გაცილებით დიდია, - ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან საქართველოს მესამე პრეზიდენტის, მიხეილ სააკაშვილის საქმესთან დაკავშირებით განაცხადა.

მისი თქმით, სააკაშვილმა საზღვარი რომ უკანონოდ გადაკვეთა ერთია, თუმცა მიზანი კიდევ უფრო მძიმეა.

„სააკაშვილი პოლიტიკური ლიდერი იყო და დღესაც პოლიტიკური ლიდერია, მაგრამ ნებისმიერი დამოუკიდებელი დამკვირვებელი გეტყვით, რომ დანაშაული რეალური და უმძიმესია არამარტო სისხლის სამართლის კონკრეტული კოდექსის მუხლებთან მიმართებაში, არამედ ზოგადად სახელმწიფოსთან მიმართებაში და რასაკვირველია, მისი პასუხისმგებლობა გაცილებით დიდია. აქ საუბარი მხოლოდ პიჯაკების შესყიდვაზე არ არის. აქ ლაპარაკია ადამიანის ქმედებაზე, რომელმაც გადაწყვიტა, ეს ქვეყანა ფეხქვეშ ამოედო. ზუსტად ამას აკეთებდა ყველა თავისი მოქმედებით, განცხადებით და კონკრეტული ნაბიჯებით. ასე რომ, დანაშაული, საზღვარი რომ გადაკვეთა ერთია და მიზანი ხომ კიდევ უფრო მძიმეა? იქამდე ხომ კიდევ ჰქონდა დამტკიცებული დანაშაულები? თუნდაც გირგვლიანის თემაზე, რომელმაც საქართველოს ისტორიის გარკვეული მონაკვეთი იმდენად დაამახინჯა, რომ დღევანდელ თაობას კიდევ მძიმე ტვირთად მოსდევს.

ეს არის ადამიანი, რომელსაც ხან „მაოხრებელ გზირს“ უწოდებენ, ხან ადამიანს, რომელსაც მორალის არანაირი სტანდარტი არ გააჩნია. თუნდაც პატრიოტიზმი სხვა რამ ჰგონია. ფიქრობს, რომ საქართველოში თვითონ შემოიტანა კულტურა, როდესაც ქართველები ბრტყელი კუდებით, დიდი ულვაშებით და მუცლებით ცეკვის მეტს არაფერს აკეთებდნენ სანამ ეს არ მოვიდა. ამას ეგეთი შეგნება აქვს, რომ აღმოსავლეთის ჯორჯ ვაშინგტონია. თვითონ ასეთ განცხადებებს აკეთებს და ამ პერიოდში ამ ფსიქიკის ადამიანი ისეთ დანაშაულებს უშვებს, რომელიც სახიფათოა ქვეყნისთვის, ახალგაზრდობისთვის, მისი მხარდამჭერებისთვის”, - განაცხადა ვოლსკიმ.

ცნობისთვის, მოსამართლის გადაწყვეტილებით, საზღვრის უკანონო კვეთის საქმეზე მიხეილ სააკაშვილს 4,6 წლით თავისუფლების აღკვეთა მიესაჯა, თუმცა, ასევე დაემატა საბიუჯეტო თანხების გაფლანგვის საქმიდან სასჯელი 8 წლით და ჯამში თავისუფლების აღკვეთა 12,6 წლის ვადით განესაზღვრა.

ავტორი: ექსპრესნიუსი,

სოციალური ქსელები

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ

პეტერ მადიარი უნგრეთის პრემიერი ოფიციალურად გახდა