რუსეთის სახელმწიფო დუმის სპიკერის, ვიაჩესლავ ვოლოდინის თქმით, დეპუტატებმა ე.წ. უცხოეთის აგენტების კონტროლის გამკაცრების მიზნით ახალი ზომები მოამზადეს.

ახალი საკანონმდებლო ინიციატივების მიხედვით, უცხოეთის აგენტებად ჩაითვლებიან ის პირები, რომლებიც  მთავრობის შეფასებით, "ისეთ საერთაშორისო ორგანიზაციებს ეხმარებიან, რომელშიც რუსეთი არ მონაწილეობს, მაგალითად სისხლის სამართლის საერთაშორისო სასამართლოს".

ასევე, ის ადამიანები, რომლებიც "ეხმარებიან სხვა ქვეყნების ხელისუფლებებს ისეთ საქმიანობაში, რომელიც რუსეთის უსაფრთხოების წინააღმდეგ არის მიმართული".

ასევე, ე.წ. უცხოეთის აგენტების რეესტრში მოხვდებიან ისინი, ვინც სხვა პირებს ჩართავენ მონაცემების შეგროვებაში "სამხედრო-ტექნიკური საქმიანობის სფეროში", რომელიც შესაძლოა რუსეთის წინააღმდეგ იყოს გამოყენებული.

გარდა ამისა, დეპუტატები გეგმავენ, რომ ე.წ. უცხოეთის აგენტებისა და რუსეთიდან წასული მოქალაქეების წინააღმდეგ სასამართლო პროცესები მათი მონაწილეობის გარეშე ჩატარდეს, თუ საქმე ეხება შემდეგ მუხლებს: "ტერორიზმისა და ექსტრემიზმისკენ მოწოდებები, რუსეთის სამხედრო ძალებზე ყალბი ინფორმაციის გავრცელება, სამხედრო სასაფლაოებისა და მონუმენტების განზრახ დაზიანება ან განადგურება და ნაციზმის რეაბილიტაცია".

ამასთან, რუსეთის შეიარაღებული ძალების დისკრედიტაციისა და რუსეთის წინააღმდეგ სანქციების დაწესებისკენ მოწოდების გამო დადგება სისხლის სამართლის პასუხისმგებლობა, რომელიც ითვალისწინებს თავისუფლების აღკვეთას 5 წლამდე ვადით და ქონების კონფისკაციას.

ასევე, 7 წლამდე პატიმრობა და ქონების კონფისკაცია დაემუქრებათ იმ პირებს, ვინც ისეთ საერთაშორისო ორგანიზაციას ეხმარებიან, რომელშიც რუსეთი არ მონაწილეობს.

ავტორი: ექსპრესნიუსი,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა