26 თებერვალს გამთენიისას აფეთქებები იყო რუსეთის კრასნოდარის მხარის რამდენიმე რაიონში, მათ შორის ტუაფსეში.

რუსული ტელეგრამ-არხების ცნობით, უკრაინული დრონებით მასირებული შეტევა იყო ტუაფსეს პორტზე. სხვა წყაროებით ეს ინფორმაცია დადასტურებული არ არის. ტუაფსეში მდებარეობს ნავთობგადამამუშავებელი ქარხანაც, რომელსაც უკრაინის თავდაცვის ძალებმა დრონებით შეუტიეს 2024 წლის ივლისში.

26 თებერვალს, ადგილობრივი დროით 05:00 საათისთვის ტუაფსეს მუნიციპალური ოლქის ხელმძღვანელ სერგეი ბოიკოს ტელეგრამ-არხზე გამოქვეყნდა ცნობა, რომ „მტრის დრონებით“ შეტევის შედეგად კერძო სახლში ხანძარი გაჩნდა, ქალაქში საჰაერო თავდაცვის ძალები მუშაობენ და ადგილობრივ მცხოვრებთ ეკრძალებათ სოციალურ ქსელებში „მოვლენების“ ამსახველი ვიდეოების გამოქვეყნება.

დაახლოებით იმავე დროს, კრასნოდარის მხარის გუბერნატორ ვენიამინ კონდრატიევის ტელეგრამ-არხზე გამოქვეყნდა ინფორმაცია, რომ ტუაფსეს გარდა ორი სახლი დაზიანდა ტემრიუკის რაიონში და არასაცხოვრებელი შენობა ქალაქ ანაპის მახლობლად.

ავტორი: ექსპრესნიუსი,

სოციალური ქსელები

ცხინვალში ე.წ აჩევნებზე მარატ კამბოლოვი - 88,4% ლიდერობს

ზახაროვა: რუსეთისა და საქართველოს ხალხებს ერთმანეთი ენატრებათ

უკრაინაში საცხოვრებელ შენობებზე რუსეთის მიერ განხორციელებული ავიადარტყმების შედეგად ოთხი ადამიანი დაიღუპა

დააკავეს პირი, რომელმაც მაღაზიიდან კომპიუტერულ ტექნიკა მოიპარა