„ერთიანობა ნაციონალური მოძრაობის“ თავმჯდომარე თინა ბოკუჩავა და პარტიის ლიდერი გიგი წერეთელი ვენაში, ეუთოს საპარლამენტო ასამბლეის წლიური სესიისთვის მოსამზადებელ სხდომას ესწრებიან.

პარტიის ლიდერების ვენაში ვიზიტის შესახებ ინფორმაციას „ერთიანობა - ნაციონალური მოძრაობის“ პრესსამსახური ავრცელებს.

მათი ცნობით, ვიზიტის ფარგლებში, პარტიის ლიდერები ეუთოს საპარლამენტო ასამბლეის პრეზიდენტს, პია კაუმას, ეუთოს საპარლამენტო ასამბლეის ვიცე პრეზიდენტს და სპეციალური წარმომადგენელს კავკასიის საკითხებში ლუიშ გრაკას შეხვდნენ.

როგორც თინა ბოკუჩავამ შეხვედრის დასრულების შემდეგ განაცხადა, პარტნიორებს ძალიან კარგად ესმით, თუ რა მნიშვნელობისაა „ქართული ოცნების“ არ აღიარების პოლიტიკის შენარჩუნება.

„დღეს შევხვდით ეუთოს საპარლამენტო ასამბლეის პრეზიდენტს ისევე, როგორც მისი კაბინეტის წარმომადგენლებს, ასევე სპეციალურ წარმომადგენელს კავკასიაში, რომლებმაც ცოტახნის წინ გააუქმეს ვიზიტი საქართველოში იმისთვის, რომ ივანიშვილის რეჟიმს არ გამოეყენებინა მათი ვიზიტი ლეგიტიმაციისთვის. მათ ძალიან კარგად ესმით, თუ რამდენად მნიშვნელოვანია არაღიარების პოლიტიკის შენარჩუნება და ასევე ის, რომ ერთადერთი გამოსავალი დღევანდელი პოლიტიკური კრიზისიდან არის ახალი, თავისუფალი, სამართლიანი საპარლამენტო არჩევნები, რომელიც ჩატარდება ნეიტრალური საარჩევნო ადმინისტრაციის პირობებში, ასევე პოლიტპატიმრების გათავისუფლება და დამნაშავეების დასჯა, რომლებიც ძალადობენ საქართველოს მოქალაქეებზე“,- განაცხადა თინა ბოკუჩავამ.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება