ბიძინა ივანიშვილი რომ არა, საქართველო და ქართველი ხალხი დღეს იქნებოდა ბევრად უფრო მძიმე მდგომარეობაში, ვიდრე ახლა უკრაინა და უკრაინელი ხალხი იმყოფება, – ამის შესახებ საქართველოს პრემიერ-მინისტრი ირაკლი კობახიძე სოციალურ ქსელში წერს.

„ბატონ ბიძინა ივანიშვილს ვულოცავ დაბადების დღეს! ბოლო დროს განვითარებულმა მოვლენებმა კიდევ უფრო ცხადად დაადასტურა, როგორ ბეწვის ხიდზე გაიარა საქართველომ განსაკუთრებით ბოლო ოთხი წლის განმავლობაში. რომ არა ბიძინა ივანიშვილი, საქართველო და ქართველი ხალხი დღეს იქნებოდა ბევრად უფრო მძიმე მდგომარეობაში, ვიდრე ახლა უკრაინა და უკრაინელი ხალხი იმყოფება.

ბიძინა ივანიშვილმა დაამკვიდრა ის, რაც ასე ძლიერ გვაკლდა საქართველოში – სახელმწიფო საქმის მოთმინებით კეთების კულტურა. ჭარბი ემოციები და მოუთმენლობა ჩვენს ქვეყანას რამდენიმე ომად, უცხოური აგენტურის ცხრაწლიან ავტორიტარულ მმართველობად და მძიმე ეკონომიკურ ჩამორჩენად დაუჯდა. ბიძინა ივანიშვილის ლიდერობის პირობებში, ქვეყანამ ყველაზე რთული გამოწვევები წარმატებით დაძლია, თორმეტწლიანი უწყვეტი მშვიდობა შეინარჩუნა და სწრაფ ეკონომიკურ წინსვლას მიაღწია.

ბატონ ბიძინა ივანიშვილს კიდევ ერთხელ ვულოცავ დაბადების დღეს და როგორც ამ ქვეყნის მოქალაქე, ვუხდი მადლობას, ყველა იმ დიდი საქმისთვის, რომელიც მას საქართველოსთვის და მისი სახელმწიფოებრიობის განმტკიცებისთვის უკეთებია!“, – წერს ირაკლი კობახიძე.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება