2025-02-15 17:34:26, 588 ნახვა
პოლიტიკა
ლიეტუვის საგარეო საქმეთა მინისტრი - ლიეტუვა ქართველ ხალხს თავისუფლებისა და დემოკრატიისკენ სწრაფვაში მხარს უჭერს
მიუნხენის უსაფრთხოების კონფერენციის ფარგლებში, ლიეტუვის საგარეო საქმეთა მინისტრი, კიასტუტის ბუდრისი გიორგი გახარიას შეხვდა.
ამის შესახებ ინფორმაციას ლიეტუვის საგარეო საქმეთა მინისტრი, კიასტუტის ბუდრისი სოციალურ პლატფორმა X-ზე ავრცელებს.
„მქონდა სიამოვნება, მიუნხენის უსაფრთხოების კონფერენციის ფარგლებში, საქართველოს ყოფილ პრემიერ-მინისტრს, გიორგი გახარიას შევხვედროდი. კიდევ ერთხელ დავადასტურე, რომ ლიეტუვა ქართველ ხალხს თავისუფლებისა და დემოკრატიისკენ სწრაფვაში მხარს უჭერს. ჩვენ ქართველი ხალხის ევროპული არჩევანის მხარდაჭერას ვაგრძელებთ“, - წერს კიასტუტის ბუდრისი.
ავტორი: ექსპრესნიუსი,
epn.ge (@expressnews.ge)
