თანაინვესტირების ფონდის ყოფილი ხელმძღვანელი, გიორგი ბაჩიაშვილი მოქალაქეებს 15 თებერვალს, 18:00 საათზე, თბილისში დაგეგმილ ფართომასშტაბიან საპროტესტო აქციაზე მონაწილეობისკენ მოუწოდებს. 

გიორგი ბაჩიაშვილი ამბობს, რომ ქართველმა ხალხმა საკუთარი ღირებულებების დასაცავად უნდა იბრძოლოს და ივანიშვილის ბანდას არ მისცეს შვილების თაობისთვის ნათელი მომავლის მოპარვის უფლება. 

ივანიშვილის ამოცანა და რუსული დიქტატურის ხელწერა არის ის, რომ საპროტესტო ტალღა დაღალონ, დააშინონ, ჩაახშონ. ზუსტად ამ სცენარს მიყვება ივანიშვილი. მან ერთი რამ ვერ გაითვალისწინა, რომ ქართველი ერი გამოირჩევა ბრძოლისუნარიანობით. ქართველი ერი არ შეშინებია უზარმაზარ იმპერიებს. ათასწლეულების მანძილზე ჩვენ ვიცავდით მიწა-წყალს. ვართ ერთ-ერთი ყველაზე მცირერიცხოვანი ნაცია, რომელმაც შეინარჩუნა ბიბლიური დროიდან სახელმწიფო.

ყველა ადამიანი, ვინც დგას დასავლურ ფასეულობებზე, ვისაც სურს, რომ საქართველო იყოს ევროპის ნაწილი, აუცილებლად უნდა გამოვიდეს, დაიცვას თავისი ღირებულებები, ფასეულობები და არავითარ შემთხვევაში არ უნდა მისცეს საშუალება ამ ხალხს, ივანიშვილს და მის ბანდას, რომ მოიპაროს ჩვენი შვილების მომავალი", - განაცხადა გიორგი ბაჩიაშვილმა. 

15 თებერვალს, 18:00 საათზე, თბილისში, ევროპის მოედანზე ფართომასშტაბიანი აქცია გაიმართება. მომიტინგეების მოთხოვნა უცვლელია - პროევროპულ აქციაზე უკანონოდ დაკავებული მოქალაქეების გათავისუფლება და ხელახალი არჩევნების დანიშვნა. დაანონსებულ აქციებს ემიგრანტებიც შეუერთდებიან.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა