სათვალავი ამერია, რამდენი ამგვარი საქმე გვინახავს სახელმწიფო გადატრიალებაზე და ბევრ სხვა ღიმილისმომგვრელ ბრალდებაზე - ივანიშვილის ჯიბის პროკურატურასთან თანამშრომლობას არ ვაპირებ, - ამის შესახებ „ნაციონალური მოძრაობის“ თავმჯდომარე თინა ბოკუჩავამ ჟურნალისტებს განუცხადა, რითაც გამოეხმაურა „საბოტაჟის მცდელობის და საქართველოს სახელმწიფო ინტერესების ხელყოფის მიზნით, უცხოეთის ორგანიზაციისათვის და უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარების ფაქტებზე“ პროკურატურის მიერ გამოძიების დაწყებას.

ბოკუჩავა აღნიშნულ პროცესს „ცრუ გამოძიებას“ უწოდებს.

„მერამდენე ცრუ გამოძიება უნდა დაიწყოს ივანიშვილის რუსულმა რეჟიმმა, დამოუკიდებელი მედიების, არასამთავრობო ორგანიზაციების, აქტივისტების, პოლიტიკური პარტიების და ერთეული პოლიტიკოსების წინააღმდეგ? 12 წელია ივანიშვილის რუსული რეჟიმის ოპოზიციაში ვარ და სიმართლე გითხრათ, სათვალავი ამერია, რამდენი ამგვარი საქმე გვინახავს სახელმწიფო გადატრიალებაზე და ბევრ სხვა ღიმილისმომგვრელ ბრალდებაზე. აქ უბრალოდ სასაცილო ის არ არის, რომ ივანიშვილმა მთელი ქვეყანა და მისი ყველა სახელმწიფო ინსტიტუტი მისი პოლიტიკური ინტერესის დაქვემდებარების პროცესში ჩამოანგრია. ქვეყანა ქვეყანას აღარ ჰგავს, სახელმწიფო ინსტიტუტები სახელმწიფო ინსტიტუტებს აღარ ჰგავს, ყველა ემსახურება ივანიშვილს და მის პოლიტიკურ ინტერესებს - შეინარჩუნოს ძალაუფლება.

ივანიშვილის ჯიბის პროკურატურასთან, რომელსაც არაფერი აქვს საერთო სამართალთან, კანონთან, კანონის უზენაესობასთან და ზოგადად, ქვეყნის სახელმწიფო ინტერესთან, არანაირ თანამშრომლობას არ ვაპირებ“, - განაცხადა ბოკუჩავამ.

ცნობისთვის, გენერალურმა პროკურატურამ „ერთიანი ნეიტრალური საქართველოს“ წარმომადგენლების მიერ შეტანილ განცხადებაზე გამოძიება დაიწყო. უწყების ინფორმაციით, გამოძიება დაიწყო საბოტაჟის მცდელობის და საქართველოს სახელმწიფო ინტერესების ხელყოფის მიზნით, უცხოეთის ორგანიზაციისათვის და უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარების ფაქტებზე.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა