ჩვენმა საზოგადოებამ ესტონეთის საგარეო საქმეთა მინისტრის პირადი, პოლიტიკური პრეფერენციები უკვე ნახა, ეს ადამიანი პარლამენტის წინ იდგა და ფაქტობრივად, თავისი პოლიტიკური მხარდაჭერით ძალადობრივ პროცესებს ახალისებდა, – ამის შესახებ პარლამენტის ევროინტეგრაციის კომიტეტის თავმჯდომარემ, ლევან მახაშვილმა განაცხადა.

მისი თქმით, მმართველი გუნდი ესტონეთის საგარეო საქმეთა მინისტრის განცხადებას არასერიოზულად აღიქვამს.

„მისი ყველა განცხადება, რომელიც შეიძლება, „გულწრფელობით“ იყოს ნაკარნახევი, არასერიოზულია. ჩვენ ვიცით, მისი შიდა მხარდაჭერა რა არის, ამიტომ ვურჩევ, რომ საკუთარ მოსახლეობაზე უფრო მეტად იზრუნოს, ვიდრე ვითომ, საქართველოს მოსახლეობას ქვეყნის მეგობრის სახელით რომ მიმართავს. რაც შეეხება უვიზო მიმოსვლის შეჩერებას, ევროკომისიის ანგარიშში ძალიან მკაფიოდ არის აღნიშნული, რომ არც ერთი ობიექტური საფუძველი არ არსებობს იმის, რომ საქართველოს თაობაზე ეს საკითხი კითხვის ქვეშ დადგეს. როგორც წესი, ეს ადამიანი სათავეში უდგას ხოლმე საქართველოს წინააღმდეგ გალაშქრებას ევროკავშირის ინსტიტუტებს ამოფარებული. მას ვურჩევდი, რომ ამ საკითხის სპეკულირებას თავი დაანებოს, რადგან ვიზალიბერალიზაცია არ ეკუთვნის არც რომელიმე მთავრობას და არც რომელიმე პოლიტიკოსს, ეს საქართველოს მოსახლეობას ეკუთვნის. როცა ვინმე ამ საკითხზე კითხვას სვამს, ის პირდაპირ იერიშზე გადის საქართველოს მოსახლეობასთან და მის ინტერესებს ეწინააღმდეგება“, – განაცხადა მახაშვილმა.

ესტონეთის საგარეო საქმეთა მინისტრმა, მარგუს ცაჰკნამ ესტონეთის პარლამენტში სიტყვით გამოსვლისას განაცხადა: „საქართველო ახლანდელი კურსით ვერ გაწევრიანდება ევროკავშირში, ხელისუფლება თუ გააგრძელებს ძალადობას, მზად ვართ, გავამკაცროთ სანქციები, მათ შორის, გავაუქმოთ უვიზო მიმოსვლა“.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა