დღევანდელი რეალობით, ვფიქრობთ, რომ ლარის სტაბილურობას საფრთხე არ ემუქრება - ამ ეტაპზე, რაიმე გამოწვევას ვერ ვხედავთ, - ამის შესახებ ეროვნული ბანკის საბჭოს წევრის ვაკანტურ თანამდებობაზე წარდგენილმა ოთარ შამუგიამ საფინანსო-საბიუჯეტო კომიტეტის სხდომაზე განაცხადა, სადაც მიხეილ ყაველაშვილის მიერ ეროვნული ბანკის საბჭოს წევრის ვაკანტურ თანამდებობაზე ასარჩევად წარდგენილ კანდიდატურებს უსმენენ.

შამუგიას თქმით, ლარის კურსის მერყეობა ფუნდამენტური ფაქტორებით არაა გამოწვეული და ამიტომ, მისივე შეფასებით, ეროვნული ბანკის პოზიცია, რომ პროცესში ხისტად არ ერევა, სწორია.

„ვხედავთ, რომ ამ წლების განმავლობაში კურსთან დაკავშირებით გვაქვს მერყეობები, თუმცა ეს არ არის ფუნდამენტური ფაქტორებით გამოწვეული. ეს უფრო გამოწვეულია სხვადასხვა მოლოდინით. აქედან გამომდინარე, ეროვნული ბანკი, ჩემი აზრით, სტაბილურად და სწორად მოქმედებს და არ აკეთებს ხისტ ჩარევას ამ პროცესში, ვინაიდან ხედავს, რომ ეს პროცესები არის არა ფუნდამენტური მოვლენებით გამოწვეული, არამედ სხვადასხვა შოკით, არასტაბილური სიტუაციით, რომელიც წყნარდება და შემდეგ კურსი უბრუნდება ძველ ნიშნულს. ამას ბოლო პერიოდის განმავლობაში ხშირად ვხედავდით. ამ ეტაპზე, ვერ ვხედავთ რაიმე ისეთ გამოწვევას ამ კუთხით, ეკონომიკაში მიმდინარე პროცესებიდან გამომდინარე. ამაზე ბევრი ფაქტორი მოქმედებს, არა მხოლოდ ქვეყნის შიგნით, არამედ რეგიონში მიმდინარე პროცესები, ასევ ჩვენს სავაჭრო პარტნიორ ქვეყნებში მიმდინარე პროცესები. თუმცა დღევანდელი რეალობით, ვფიქრობთ, რომ რაიმე საფრთხე ლარის სტაბილურობას არ ემუქრება“, - განაცხადა ოთარ შამუგიამ.

ავტორი: ექსპრესნიუსი,

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით