პოლიციელისთვის სილის გაწნა, რაც დაუშვა ჟურნალისტმა, არის ერთ-ერთი სერიოზული გასროლა სახელმწიფოს უსაფრთხოების წინააღმდეგ - რასაკვირველია, ყველა განვიცდით ამაღლობელის ჯანმრთელობის მდგომარეობას და ყველაფერი გაკეთდება, რომ არა მარტო მისი, არამედ ნებისმიერი პატიმრის უფლებები და ჯანმრთელობა იქნას დაცული , - ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან განაცხადა.

"მოთხოვნა იმისა, რომ მზია ამაღლობელი გამოცხადდეს დაზარალებულა, რასაკვირველია, იმდენად აბსურდულია, რომ ეს მოთხოვნა თავისთავად, მეტყველებს იმაზე, თუ რაოდენ დიდი რესურსია დაგროვილი იმისათვის, რომ როგორმე ქვეყანაში დესტაბილიზაცია შექმნან. ასეთი კონკრეტული ფაქტი, რომელიც მოხდა ჩვენს თვალწინ, რასაკვირველია, არის ამ რევოლუციური პროცესის განვითარების ერთ-ერთი ელემენტი - შექმენი სიტუაცია, როდესაც პოლიცია აღარ არის პოლიცია, შექმნი სიტუაცია, როცა ყველაფერი დასაშვებია, მათ შორის, პოლიციელის ფიზიკური შეურაცხყოფა. რასაკვირველია, ყველა განვიცდით მის ჯანმრთელობას და რასაკვირველია, მისი "ფავორიტი" "ნაცმოძრაობის" მმართველობის პერიოდისგან, ყველაფერი გაკეთდება იმისათვის, დომ არა მარტო მზია ამაღლობელის, ნებისმიერი პატიმრის უფლებები და ჯანმრთელობა იქნას დაცული. ეს ევალება სახელმწიფოს და ამ შემთხვევაში სამართლიანობა მოითხოვს ითქვას, რომ ხელისუფლება ვალდებულია, გაითვალისწინოს ყველას ინტერესი - მხარდამჭერების და მოწინააღმდეგეების და ქვეყანაში შეინარჩუნოს სტაბილურობა. სტაბილურობა აუცილებელია იმისათვის, რომ გადარჩეს სახელმწიფო. ამ სილის გაწნა პოლიციელისათვის, რაც დაუშვა ადამიანმა, ჟურნალისტმა, არის ერთ-ერთი სერიოზული გასროლა სახელმწიფოს უსაფრთხოების წინააღმდეგ", - განაცხადა ვოლსკიმ.

ავტორი: ექსპრესნიუსი,

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს