ლიეტუვის საგარეო საქმეთა ყოფილმა მინისტრმა, გაბრელიუს ლანდსბერგისმა "ექსპრესნიუსთან" ექსკლუზიურ ინტერვიუში მზია ამაღლობელის შიმშილობის ფაქტზე ისაუბრა.

ლანდსბერგისის განცხადებით, მზია ამაღლობელი ძლიერი სიმბოლოა იმ ბრძოლისა, რომელიც ახლა მიმდინარეობს საქართველოში.

მისივე შეფასებით, პროტესტის ეს ფორმა პირველ რიგში კარგად წარმოადგენს ადამიანის ძალას, რომელიც პროტესტის ამ ფორმას იყენებს.

,,ეს ძალიან მკაცრი ფორმაა პროტესტის. მგონია, რომ ეს პირველ რიგში კარგად წარმოადგენს ადამიანს, რომელიც ამ ფორმით გამოხატავს პოზიციას და თუ ადამიანი მზად არის, თავი გაიღოს ასეთი ქმედებით, ეს მართლაც ძალიან ძლიერ სიგნალს გადმოსცემს. მგონია, რომ ამაღლობელი ძლიერი სიმბოლოა იმ ბრძოლისა, რომელიც ახლა მიმდინარეობს საქართველოში." -აღნიშნა ლიეტუველმა დიპლომატმა ,,ექსპრესნიუსთან" ექსკლუზიურ ინტერვიუში.

გაბრელიუს ლანდსბერგისთან ვრცელი ინტერვიუ ''ექსპრესნიუსის" ვებგვერდზე გამოქვეყნდება. 

შეგახსენებთ, მზია ამაღლობელი უკვე მე-19 დღეა, რაც შიმშილობს. მან პროტესტის ამ ფორმას მას შემდეგ მიმართა, რაც პოლიციამ იგი ბათუმში დააკავა.

ცნობისთვის, ბათუმის საქალაქო სასამართლომ „ბათუმელებისა“ და „ნეტგაზეთის“ დამფუძნებელს, მზია ამაღლობელს აღკვეთის ღონისძიების სახით პატიმრობა შეუფარდა. გადაწყვეტილება მოსამართლე, ნინო სახელაშვილმა მიიღო.

მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მზია ამაღლობელი, ბათუმში, პოლიციის მთავარ სამმართველოსთან აქციის დროს თავდაპირველად ადმინისტრაციული წესით დააკავეს, დაახლოებით ორ საათში გამოუშვეს. გათავისუფლებიდან რამდენიმე წუთში კი, ის სამმართველოსთან კვლავ დააკავეს.

ავტორი: ექსპრესნიუსი,

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს