სალომე ზურაბიშვილი აცხადებს, რომ საქართველო-ჩინეთის სტრატეგიული პარტნიორობის დეკლარაცია „არაკონსტიტუციურია“ და დეკლარაციის ტექსტი 2023 წელს ხელმოწერამდე ქვეყანაში „არავის“ ჰქონდა ნანახი, მათ შორის არც პარლამენტს: „არ ვარ დარწმუნებული, რომ პრემიერ-მინისტრს [ირაკლი ღარიბაშვილს] მაინც ჰქონდა ნანახი“.

21 იანვარს ვაშინგტონში ვიზიტისას, „ატლანტიკური საბჭოს“ (Atlantic Council-ის) ორგანიზებულ დისკუსიაში, Fire Side Chat, მეხუთე პრეზიდენტმა სალომე ზურაბიშვილმა განაცხადა:

„სტრატეგიული პარტნიორობის [დეკლარაციის ეს ტექსტი ხელმოწერამდე საქართველოს] პარლამენტისთვის არავის უჩვენებია, ამიტომ ის არის არაკონსტიტუციური“.

სალომე ზურაბიშვილის თქმით, „ის [დეკლარაციის ტექსტი მაშინდელმა] პრემიერ-მინისტრმა [ირაკლი ღარიბაშვილმა] პირდაპირ ჩინეთში ჩაიტანა და ხელმოწერამდე არავის უნახავს“.

„არ ვარ დარწმუნებული, რომ პრემიერ-მინისტრს მაინც ჰქონდა ნანახი“, - თქვა მან.

ამასთან, სალომე ზურაბიშვილმა კიდევ ერთხელ გააკრიტიკა ჩინეთ-საქართველოს სტრატეგიული პარტნიორობის დეკლარაცია საქართველოს მიერ ცალმხრივად აღებული ვალდებულებების გამო და განაცხადა:

„პარტნიორობის ტექსტს აქვს პუნქტი, რომლითაც საქართველო აღიარებს „ერთი ჩინეთის“ პრინციპს, ხოლო ჩინეთი აღიარებს მთელი მსოფლიოს [ქვეყნების] ტერიტორიული მთლიანობისა და სუვერენიტეტის პრინციპს, - მაგრამ არა კონკრეტულად საქართველოს ტერიტორიულ მთლიანობას“.

ავტორი: ექსპრესნიუსი,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა