„სამოქალაქო იდეის“ ხელმძღვანელი, თინა ხიდაშელი, ბიძინა ივანიშვილის მიერ შვეიცარიულ ბანკზე, Julius Baer-ს, დაწყებულ სამართლებრივ დავას ეხმაურება და აცხადებს, რომ მილიარდერი ოლიგარქი საკუთარი ფინანსური პრობლემების გადაწყვეტის ნაცვლად, ქვეყნის ფინანსებსა და უსაფრთხოებას რისკავს. მისი თქმით, ივანიშვილი „კრედიტ სუისის“ სახით ე.წ. კონსპირაციის თეორიას ირწმუნება, რამაც ქვეყნის მდგომარეობა კიდევ უფრო დაამძიმა.

„ბიძინა ივანიშვილს, რომელიც მიიჩნევს, რომ მთელი მსოფლიო მას ებრძვის, ეს პროცესი არასერიოზულია. პრობლემები ჰქონდა ერთი ერთ ბანკში, მერე მეორე ბანკში, ხოლო საბოლოოდ მას არ უნდა ჰქონდეს უფლება, საკუთარი ფინანსური პრობლემები ქვეყნის კეთილდღეობაზე მაღლა დააყენოს,“ – განაცხადა ხიდაშელმა.

მისი თქმით, „საქართველოს საზოგადოებამ არ უნდა მისცეს ივანიშვილს უფლება, ქვეყნის ფული მძევლად აქციოს“.

ხიდაშელმა ასევე იმედი გამოთქვა, რომ აშშ-ის ახალი ადმინისტრაციის პირობებში საქართველო პოლიტიკურ კრიზისს დაამარცხებს და შეჩერებული პროგრამები განახლდება. იგი ასევე შეეხო აშშ-ის პრეზიდენტის, დონალდ ტრამპის განცხადებას, სადაც ხაზგასმული იყო თავდაცვისუნარიანობის გაძლიერება.

„მთავარი კითხვა დღეს ის არის, რას გააკეთებს ირაკლი კობახიძე და „ქართული ოცნება“ იმ თემაზე, რომელიც ტრამპმა გამოუტანა – „ამერიკის მტრებთან მეგობრობა დაისჯება, რადგან კობახიძე ირანში, „ჰამასის“ და „ჰეზბოლას“ ლიდერების გვერდით დგას. “ – განაცხადა ხიდაშელმა.

ავტორი: ექსპრესნიუსი,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა