შეხვედრაზე მომხსენებლებს ინფორმაციას მივაწვდით ბოლო დღეებში მიმდინარე პროცესებთან დაკავშირებით, რომ რეჟიმი კიდევ უფრო აგრესიული გახდა და ყველა სახელმწიფო ინსტიტუტის მხრიდან რეპრესიები მიმდინარეობს, - ამის შესახებ სამოქალაქო პლატფორმის „საქართველოს ევროპული ორბიტის“ დამფუძნებელმა, ნინო ლომჯარიამ, ევროსაბჭოს საპარლამენტო ასამბლეის მონიტორინგის მისიის წარმომადგენლებთან შეხვედრის დაწყებამდე განაცხადა.

მისი თქმით, ევროსაბჭოს საპარლამენტო ასამბლეის მონიტორინგის მისიის წარმომადგენლებს მიაწვდიან ინფორმაციას, ჟურნალისტ მზია ამაღლობელის საქმესთან და მისი პატიმრობაში დატოვებასთან დაკავშირებით.

„ნოემბრიდან მოყოლებული ჩვენ მუდმივ რეჟიმში ვაწვდით ინფორმაციას ევროსაბჭოს, მიმდინარე მოვლენებთან დაკავშირებით. მათ აქვთ ინფორმაცია, ნაწამები ადამიანების შესახებ, რაზეც კიდევ ერთხელ ვისაუბრებთ, ასევე აქციების დროს ნაცემ და ნაწამებ ჟურნალისტებისა და მოქალაქეების შესახებ ვისაუბრებთ, ასევე ძარცვისა და არაადამიანურ მოპყრობაზეც.

მათ პერიოდულობით ვაწვდით ინფორმაციას ამ მოვლენებთან დაკავშირებით. შეხვედრაზე ყურადღებას "ქართული ოცნების მიერ მიღებულ შემლახავ კანონებსა და მისი აღსრულების მექანიზმებზე გავამახვილებთ",- განაცხადა ნინო ლომჯარიამ.

ავტორი: ექსპრესნიუსი,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა