|
2025-01-10 12:03:59, 720 ნახვა
ეკონომიკა
,,საქართველოს პურის მრეწველთა კავშირის" თავმჯდომარე - ვითხოვთ, ფქვილზე დაწესებული გადასახადი შეჩერდეს, რომ პურის ფასი შენარჩუნდეს და არ გაიზარდოს
„საქართველოს პურის მრეწველთა კავშირის" თავმჯდომარის მალხაზ დოლიძის განცხადებით, ფქვილზე იმპორტის გადასახადი მოხსნას მოითხოვენ. როგორც დოლიძემ მედიაცენტრ „მთავარში“ გამართულ პრესკონფერენციაზე აღნიშნა, ეს საშუალებას მისცემს მათ, რომ პურის ფასი არ გაიზარდოს. „ ვითხოვთ, რომ ფქვილზე დაწესებული დროებითი გადასახადი შეჩერდეს და პურის მწარმოებლებს საშუალება ჰქონდეთ, რომ პურის ფასი შენარჩუნდეს. შედეგად, პურის ფასი არ გაიზრდება. ეს იქნება იმის საშუალება, რომ ჩვენ ხელმისაწვდომობა გვქონდეს ფქვილზე, რითაც შესაძლებელია ფასი შევინარჩუნოთ“, - განაცხადა დოლიძემ. მისი განმარტებით, ჯერჯერობით, მაღაზიებში პურის ფასი არ შეცვლილა მიუხედავად იმისა, რომ ფქვილზე ფასებმა მოიმატა. „ჩვენ ვცდილობთ, რომ ეს შევინარჩუნოთ. მოლოდინის რეჟიმში ვართ. ალბათ, სამინისტროსთან კომუნიკაცია შედგება, რომელსაც ახალი ხელმძღვანელობა ჰყავს და ალბათ, დასკვნებს გამოვიტანთ იმიტომ, რომ აქ არის როგორც მეხორბლეთა, ასევე, ფქვილის მწარმოებელთა და მცხობლების ინტერესები“, - განაცხადა დოლიძემ. როგორც მან განმარტა, იმ შემთხვევაში, თუ გადასახადი არ მოიხსნება, შესაძლოა, პურის ფასი 10-15 თეთრით გაიზარდოს. „საუბარია 10-15 თეთრზე. თუ შევადარებთ მეზობელ ქვეყნებს და მათ მიერ წარმოებულ პროდუქციას, ჩვენ მაინც ვინარჩუნებთ იმ სტაბილიზაციას, რასაც პურის ცხობა ჰქვია“,- განაცხადა დოლიძემ. მისივე თქმით, პირველი ხარისხის ფქვილის ღირებულება 52 ლარი უნდა ყოფილიყო, თუმცა, დღეს 53 და 54 ლარი ღირს. „წლის ბოლოს შეინიშნა ფქვილზე ფასების მატება. ჩვენ გვქონდა ერთგვარი შეთანხმება, რომ ფასი შენარჩუნდებოდა და ერთი ტომარა პირველი ხარისხის ფქვილის ღირებულება 52 ლარი იქნებოდა, მაგრამ როგორც დავინახეთ ფქვილის ფასი იმ ზღვარს გასცდა, რომელშიც ჩვენი კალკულაცია ეტეოდა. ფქვილის გარდა არის ის გამოწვევები, რომელიც თანამედროვე პურის მწარმოებლებს გააჩნიათ. ამან ერთგვარად ცოტა შეგვაწუხა იმიტომ, რომ დისტრიბუციის საკითხები იყო გართულებული. დისტრიბუტორების მუშაობა გადატვირთულ ქალაქში ძალიან რთული იყო. მათი პრეტენზიები იყო იმასთან დაკავშირებით, რომ მაღალი ჯარიმების გამო, ქარხნებმა ეკონომიკური დარტყმა მიიღეს. გარდა ამისა, გამოწვევები იყო მუშახელის ხელფასები იმიტომ, რომ 3 - ცვლიანი სამუშაო და ცხელი გარემოა. საჭირო გახდა რაღაც ღონისძიებებო მიგვეღო, რადგან ეს ადამიანები ხელფასების მომატებას ითხოვენ“, - განაცხადა დოლიძემ.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



