|
2025-01-06 14:00:10, 681 ნახვა
ეკონომიკა
გერმანია ბათუმში წყლის ინფრასტრუქტურისა და ენერგეტიკული ქსელების გაფართოების პროექტებს დაფინანსებას აჩერებს
გერმანიის ეკონომიკური თანამშრომლობისა და განვითარების სამინისტრო საქართველოსთვის 237 მლნ ევროს დახმარების შეჩერების საკითხზე განცხადებას ავრცელებს. სამინისტროს თანახმად, დაფინანსების შეჩერების მთავარი მიზეზი ამჟამინდელი მთავრობის ქმედებებია, რომელმაც ევროინტეგრაციის პროცესი შეაჩერა. მეტიც, როგორც განცხადებაშია აღნიშნული გერმანია ასევე აჩერებს ახალი ვალდებულებების აღებას საქართველოსთან და მომავალში სხვა პროექტების გადახედვასაც აპირებს. "გერმანიის ეკონომიკური თანამშრომლობისა და განვითარების ფედერალურმა სამინისტრომ გადაწყვიტა, შეაჩეროს საქართველოს მთავრობასთან 237 მილიონი ევროს ღირებულების დაგეგმილი პროექტები. შეჩერებულ პროექტებში იგულისხმება საქართველოში მწვანე წყალბადის მეურნეობის განვითარების, ბათუმში წყლის ინფრასტრუქტურის მოდერნიზაციისა და საქართველოში ენერგეტიკული ქსელების გაფართოების პროექტების დაფინანსება. გერმანიის განვითარების პოლიტიკის დიდი ნაწილი საქართველოში მიზნად ისახავდა ქვეყნის ევროკავშირთან დაახლოების წინსვლას, რაც ასევე დაფიქსირებულია საქართველოს კონსტიტუციაში. ამას საქართველოს ხელისუფლება დე ფაქტოდ აღარ აგრძელებს. ამავდროულად სისტემატურად ირღვევა ადამიანის უფლებები ხელისუფლების პოლიტიკის წინააღმდეგ მიმართული მასობრივი პროტესტის შეჩერების მცდელობისას. შედეგად გერმანიის განვითარების სამინისტრომ 3 დეკემბერს უკვე მიიღო გადაწყვეტილება, რომ აღარ დაიწყებს ახალ პროექტებზე მუშაობას საქართველო-გერმანიის თანამშრომლობის ფარგლებში და პროექტების არსებული პორტფოლიო გადაიხედება. გადახედვის პირველი შედეგი იყო ზემოხსენებული პროექტების გაჩერება, რომელთა ჯამური ღირებულება 237 მლნ ევროს შეადგენს. მიმდინარე პროექტების გადახედვა უკვე მიმდინარეობს. თუმცა, უნდა გაგრძელდეს პროექტები, რომლებიც უფრო მეტად სარგებელს მოუტანს პროევროპულ მოსახლეობას და რომლებითაც არსებულ პირობებშიც კი შესაძლებელი იქნება ევროპასთან დაახლოების გაგრძელება. ე.წ. „გამჭვირვალობის კანონის“ მიღების შემდეგ გერმანიამ 2024 წლის ზაფხულშივე დაიწყო დამატებითი მხარდამჭერი ღონისძიებების შეთავაზება სამოქალაქო საზოგადოებრივი ორგანიზაციებისთვის. ეს მოიცავს იურიდიულ კონსულტაციებს, კიბერუსაფრთხოების ტრენინგს ან ფსიქო-სოციალურ მხარდაჭერას", - წერია განცხადებაში. შეგახსენებთ, 23 დეკემბერს გერმანიის ელჩმა საქართველოში პიტერ ფიშერმა X-ზე დაწერა, რომ გერმანია საქართველოში 237 მილიონი ევროს ღირებულების პროექტების დაფინანსებას წყვეტდა.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



